Паҳлавони ҷавони тоҷик Сӯҳроб Боқиев дар Чемпионати Осиё оид ба дзюдо соҳиби мақоми панҷум гардид
ДУШАНБЕ, 26.05.2017. /АМИТ «Ховар»/. Имрӯз паҳлавони ҷавони тоҷик Сӯҳроб Боқиев дар Чемпионати Осиё оид ба дзюдо, ки дар шаҳри Гонконг ҷараён дорад, мақоми панҷумро касб кард. Вай дар рақобатҳо дар вазни 60 кило баъди се пирӯзӣ бар Чон Ҳу Лио (Макао), Янг Вей Янг (Тайван) ва Ёнг Нам Пак (Кореяи Шимолӣ), дар даври нимфиналӣ аз варзишгари Ҷопон Наоҳиса Такато мағлуб гашт. Баъдан Сӯҳроб барои медали биринҷӣ аз паҳлавони ӯзбекистонӣ Мӯҳриддин Тилавов шикаст хӯрд.
Бояд зикр кард, ки дар вазни 60 кило варзишгари ҷопонӣ Наоҳиса Такато ба унвони қаҳрамони Осиё даст ёфт ва бо медали тилло сарфароз гашт. Рашнонажод бо медали нуқра мукофотонида шуд. Ёнг Нам Паки кореягӣ ва Мӯҳриддин Тилавови ӯзбекистонӣ барандагони медалҳои биринҷӣ гардиданд.
Дар Чемпионати Осиё оид ба дзюдо дар Гонконг имрӯз варзишгари дигари тоҷик Беҳрӯзи Хоҷазода дар вазни 73 кило пас аз ду пирӯзӣ бар Шатлук Ҷумъаниёзов (Туркманистон) ва Мирзоҳид Фармонов (Ӯзбекистон) дар даври сеюм аз Сайинҷиригала (Чин) мағлуб шуд. Хоҷазода муборизаро барои медал идома дод, вале аз Муҳаммад Муҳаммади Боримонлу (Эрон) шикаст хӯрд ва дар натиҷа мақоми ҳафтумро касб кард.
Хотиррасон менамоем, ки дар Чемпионати Осиё оид ба дзюдо дар Гонконг 244 варзишгар (140 мард ва 104 зан) аз 28 кишвар ширкат доранд.
Ба ҳайати дастаи мунтахаби дзюдои Тоҷикистон таҳти раҳбарии сармураббӣ Фахриддин Раҳимов ҳафт варзишгар дохиланд: Сӯҳроб Боқиев (-60 кг), Хушқадам Хусравов (-66 кг), Беҳрӯзи Хоҷазода (-73 кг), Саидмухтор Расулов (-73 кг), Садр Боев (-81 кг), Комроншоҳи Устопириён (-90 кг) ва Саидҷалол Саидов (-100 кг).
27 май се варзишгари тоҷик — Садр Боев, Комроншоҳи Устопириён ва Саидҷалол Саидов вориди рақобат мешаванд. Садр Боев дар вазни — 81 кило дар нахустин қувваозмоияш бо Лояд Деннис Катипон аз Филиппин рақобат мекунад. Аввалин рақиби Комроншоҳи Устопириён дар вазни -90 кило Алдикан Ғанам мебошад, ки ӯ таҳти парчами Федератсияи байналмилалии дзюдо ба майдон меояд. Саидҷалол Саидов аввалин рақобаташро бо ғолиби ҷуфти Ҳусейн Шоҳ (Покистон) Ҷун Занг (Чин) анҷом медиҳад.
Бояд ёдовар шуд, ки Чемпионати Осиё оид ба дзюдо аз соли 1966 доир мешавад ва варзишгарони тоҷик дар тӯли солҳои ширкати худ дар ин намуди мусобиқаҳо ҳамагӣ 14 медал- 1 тилло, 5 нуқра ва 8 биринҷӣ ба даст овардаанд.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
