Шайх Абдулло бин Зойид Оли Наҳён: «Аморот ҳамкории бисёрҷонибаро бо Тоҷикистон густариш хоҳад дод»
ДУШАНБЕ, 25.05.2017 /АМИТ «Ховар»/. «Амороти Муттаҳидаи Араб ҳамкории бисёрҷонибаро бо Тоҷикистон дар самтҳои муҳиму афзалиятнок тақвият ва густариш хоҳад дод»,- таъкид намуд имрӯз дар Душанбе пас аз мулоқот бо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷӣ ва ҳамкории байналмилалии Амороти Муттаҳидаи Араб Шайх Абдулло бин Зойид Оли Наҳён.
Ба гуфти Шайх Абдулло бин Зойид Оли Наҳён, зимни мулоқот бо Президенти Ҷумҳурии Тоҷикистон Эмомалӣ Раҳмон масъалаҳои роҳҳо ва густариши ҳамкории дуҷониба дар самтҳои сиёсӣ, иқтисодӣ, сармоягузорӣ, амниятӣ, фарҳангӣ ва ҷавонон баррасӣ гардиданд.
«Мо аз розигии Ҳукумати Тоҷикистон ҷиҳати иштирок дар «ЭКСПО — 2020», ки дар Дубай баргузор мегардад, изҳори ташаккур намудем. Боварии комил дорам, ки «ЭКСПО-2020» на танҳо барои намоиши фарҳанги асили тоҷик, муаррифии таъриху тамаддун ва дастовардҳои илму техникаи Тоҷикистон, балки барои тақвияти ҳамкории дуҷониба шароити хуб фароҳам меорад»,- ибрози ақида намуд Шайх Абдулло бин Зойид Оли Наҳён.
«Амороти Муттаҳидаи Араб мавқеъгирии шадиди Президенти Тоҷикистон Эмомалӣ Раҳмонро дар мубориза бар зидди ғояҳои наматлуб, ба мисли терроризм, экстремизм ва ифротгароӣ баланд арзёбӣ менамояд»,- гуфт Шайх Абдулло бин Зойид Оли Наҳён.
Зимни мулоқот ҷонибҳо инчунин натиҷаҳои Саммити бобарори сарони давлатҳои олами арабӣ, исломӣ ва Иёлоти Муттаҳидаи Амрикоро баррасӣ намуданд.
Доир ба дастовардҳо ва дурнамои рушди биологияи таҷрибавӣ дар Тоҷикистон конференсияи байналмилалӣ баргузор шуд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Дар Душанбе дар доираи Конвенсия оид ба манъи истифодаи силоҳи биологӣ ва токсинӣ конфронси байналмилалӣ оғоз ёфт
Тоҷикистон ва вилояти Свердловск дар самти истифодаи технологияҳои нави сохтмонӣ ҳамкорӣ мекунанд
ЗИМИСТОНГУЗАРОНӢ. Дар «Тоҷикаэронавигатсия» барои таъмини бехатарии парвозҳо дар ин давра конфронси техникӣ доир шуд
Сигэру Исиба сарвазири Япония интихоб гардид
Маркази обуҳавошиносии шаҳри Хоруғ соҳиби бинои нави замонавӣ мегардад
Имрӯз дар Тоҷикистон ҳаво то 25 дараҷа гарм мешавад
«ПИРӮЗӢ АЗ ИТТИФОҚ ХЕЗАД…». Дар Донишгоҳи давлатии Бохтар бахшида ба Рӯзи Мавлоно ҳамоиш баргузор шуд
Ҳайати Тоҷикистон дар Форуми ҷаҳонӣ оид ба нақлиёти устувор дар Пекин иштирок намуд
Дар Раёсати Вазорати корҳои дохилӣ дар вилояти Суғд бахшида ба Рӯзи забони давлатӣ ҳамоиш доир шуд
Дар истгоҳи мошинҳои Хуҷанд толори фирмавии алоқа кушода шуд
