Сокинони ноҳияи Лахш беш аз 27 ҳазор бех дарахтони сояафкану ороишӣ шинонданд
![](https://khovar.tj/wp-content/uploads/2017/05/Sokinoni-no-iyai-Lahsh-27119-beh-darahtoni-soyaafkanu-oroish-shinondand-1.jpg)
ЛАХШ, 10.05.2017. /АМИТ «Ховар»/. Сокинони ноҳияи Лахш барои дар сатҳи баланд таҷлил кардани Рӯзи Ваҳдати миллӣ ва истиқболи Соли ҷавонон марказҳои ноҳия ва ҷамоатҳои шаҳраку деҳотро тариқи ҳашари умумӣ аз партовҳо тоза намуда, дар кӯчаҳо дарахтони сояафкану ороишӣ мешинонанд. Тибқи иттилои мудири бахши ҳифзи муҳити зисти ноҳия Эраҷ Камолов, то имрӯз дар ноҳия 27 ҳазору 119 бех ниҳол дар ҷойҳои ҷамъиятию кӯчаҳои марказии ноҳия шинондаанд, ки аз ин шумора 1384 бех дарахтони мевадиҳанда мебошанд.
Фасли баҳор дар ноҳияи Лахш нисбат ба дигар навоҳии ҷумҳурӣ дертар меояд. Сокинони ноҳия аз рӯзҳои офтобӣ самаранок истифода бурда, то имрӯз зиёда аз 42 гектар боғҳои нав бунёд намуда, 2 гектар боғҳои кӯҳнаро барқарор намуданд.