«Ҷавонон-неруи рушди зеҳнии кишвар»- Форуми илмии байналмилалӣ дар Кӯлоб
ДУШАНБЕ, 07.06.2017 /АМИТ «Ховар»/. Дар Донишкадаи технология ва менеҷменти инноватсионӣ дар шаҳри Кӯлоб Форуми 3-юми илмии байналмилалии «Ҷавонон- неруи рушди зеҳнии кишвар» бахшида ба 11 июн-Рӯзи кормандони соҳаи саноати сабук, Соли ҷавонон ва 20-солагии Рӯзи Ваҳдати миллӣ баргузор гардид. Дар ин бора аз Вазорати саноат ва технологияҳои нави Ҷумҳурии Тоҷикистон хабар доданд.
Мақсади Форум тайёр намудани мутахассисони касбӣ ва дар ин замина фароҳам овардани шароити мусоид бобати рушди неруи зеҳнию ақлонии ҷавонон арзёбӣ гардид.
Бино ба иттилои манбаъ, дар Форуми мазкур шарикони ҳамкор аз муассисаҳои таълимии хориҷи кишвар, бахусус шаҳрҳои Москва, Иваново, Воронежи Федератсияи Россия ва аз Украина иштирок доштанд ва ба маърӯзаҳои илмӣ, ихтироот, намоиши дастовардҳои зеҳнии ҷавонони даврони соҳибистиқлолии Тоҷикистон баҳои баланд гузоштанд.
Баргузории чунин форумҳо метавонад барои ҷавонон дар самти пешниҳоди лоиҳаҳои инноватсионӣ ҷиҳати рушди соҳаи саноати кишвар шароити мусоид фароҳам оварад.
Иштирокчиёни форум бо ифтихормандӣ аз дастовардҳои соҳаи саноати кишвар дар тӯли 20 — соли Ваҳдати миллӣ ёдовар гардиданд. Барои меҳмонон ва иштирокчиёни Форуми байналмилалӣ барномаи фарҳангӣ-фароғатии «Ваҳдатсарои миллат» манзур гардонида шуд.
Имрӯз дар Тоҷикистон ҳавои тағйирёбандаи бебориш пешгӯӣ карда мешавад
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
Имрӯз дар ноҳияҳои алоҳидаи Тоҷикистон туман мефарояд
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
Имрӯз дар Тоҷикистон ҳавои камабри бебориш пешгӯӣ мешавад
СОЛИ ОБОДКОРИЮ СОЗАНДАГӢ. Мактаб-интернати ятимон ва бепарасторони ноҳияи Муъминобод таъмир карда мешавад
Дар шаҳри Бӯстон барои баланд бардоштани сифати таҳсил ҳамоиш баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
