Дар ноҳияи Данғара даври дуюми Фестивали бозиҳои миллии варзишӣ оғоз гардид
ДУШАНБЕ, 22.06.2017 /АМИТ«Ховар»/ Дар ноҳияи Данғара маросими ифтитоҳи даври дуюми «Фестивали бозиҳои миллии варзишӣ» бахшида ба 20-солагии Рӯзи ваҳдати миллӣ ва Соли ҷавонон баргузор гардид.
Зимни кушодашавии Фестивал муовини Раиси вилояти Хатлон Махфират Хидирзода иштирокдоронро табрик гуфта, таъкид дошт, ки Кумитаи тадорукоти Фестивал бо баргузор намудани чунин ҳамоиш дар эҳёву арҷгузорӣ ба намудҳои миллии варзишӣ саҳми сазовор гузоштанд.
Сараввал бозиҳои намоишӣ, аз қабили чавгонбозӣ, камандкашӣ, камонварӣ, найзазанӣ, шамшербозӣ, шатранҷбозӣ, арғунчакбозӣ, чилликдангалбозӣ, буҷулбозӣ, намудҳои варзиши сабук, гимнастика, дорбозӣ, гулӯлапартоӣ, сангбардорӣ ва гӯштингирӣ дар сатҳи баланди ташкилӣ баргузор гардид.
Зимнан гуфта шуд, ки дар баробари иштирокдорон зиёда аз ду ҳазор мухлисону ҳаводорони бозиҳои миллии варзишӣ баргузории ин ҳамоиши пуршукӯҳро тамошо карда, ҳар яки онҳо ба варзиши дӯстдоштаи хеш мухлисӣ намуданд.
Фестивали бозиҳои миллии варзишӣ дар ду марҳала- рақобати даставӣ ва бозиҳои намоишӣ доир карда мешавад.
Дар доираи Фестивал мусобиқаи гӯштини миллӣ байни ҷавонон аз рӯи вазнҳои 60, 80 ва 100 кг баргузор гардида, ғолибон бо диплому медалҳо сарфароз гардонида шуданд.
Даври дуюми Фестивали бозиҳои миллии варзишӣ то 27 июн аз рўи намудҳои зикргардида дар сатҳи минтақавӣ ва вилоятӣ баргузор карда мешавад.
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
