Ифтитоҳи Маркази таълимӣ-истеҳсолии адрасбофӣ дар Конибодом
ХУҶАНД. 30.06.2017 /АМИТ «Ховар»/. Дар рӯзҳои таҷлили иди Ваҳдати миллӣ дар шаҳри Конибодом Маркази таълимӣ-истеҳсолии адрасбофӣ барои занону духтарони хонашин дарҳои худро боз намуд.
Тавре ба АМИТ «Ховар» масъулини бахши кор бо занони Мақомоти иҷроияи ҳокимияти давлатии шаҳри Конибодом иттилоъ доданд, дар расми ифтитоҳи марказ роҳбарияти шаҳр иштирок намуда, иброз доштанд, ки ба фаъолият шурӯъ намудани маркази таълимии адрасбофӣ дар таъмин гаштани якчанд нафар бо ҷойи кор ва то андозае ба некуаҳволии рӯзгори онон, рушди адрасбофӣ, афзун намудани шавқу завқи духтарон ба касбомӯзӣ ва ҳунармандӣ, инчунин зиёд намудани сафи занони ҳунарманду соҳибзавқ мусоидат хоҳад кард.
Ба иттилои манбаъ, сарварии марказро зани ҳунарманд Ойхон Исҳоқова бар ӯҳда дошта, то имрӯз аз ҷониби ин зани ташабускор дар ҳудуди шаҳр 5 нуқтаи маркази истеҳсоли адрасу атлас таъсис дода шудааст. Дар маркази навтаъсис дар айни ҳол 15 нафар духтарону заноне, ки курси кутоҳмуддати таълимиро хатм намуданд, бо ҷойи кор таъмин гаштанд.
Ҳамзамон баҳри дастгирии занони ҳунарманд аз ҷониби Мақомоти иҷроияи ҳокимияти давлатии шаҳри Конибодом ба маркази навтаъсис 5 дастгоҳи адрасбофӣ ва 2 мошинаи дарздӯзӣ дастрас карда шуда, масъулин азм доранд, ки марказро бо ашёи хоми маҳаллӣ низ таъмин намоянд.
Пагоҳ дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Дар Конибодом бо усули «Мактаб ба мактаб» бо хонандагону волидайн вохӯриҳо баргузор мегарданд
