Вазирони корҳои дохилии кишварҳои ИДМ ҳамкории дуҷониба ва бисёҷонибаро муҳокима мекунанд
ДУШАНБЕ, 28.06.2017 /АМИТ «Ховар»/. Нимаи аввали имрӯз дар Душанбе ҷаласаи навбатии Шӯрои вазирони корҳои дохилии давлатҳои аъзои Иттиҳоди Давлатҳои Мустақил (ИДМ) баргузор гардид.
Мувофиқи иттилои маркази матбуоти ВКД ҶТ, дар ҷаласа Вазири корҳои дохилии Ҷумҳурии Озарбойҷон Рамил Усубов, Вазири корҳои дохилии Ҷумҳурии Беларус Игор Шуневич, Вазири корҳои дохилии Ҷумҳурии Қазоқистон Калмуханбет Қосимов, Вазири корҳои дохилии Ҷумҳурии Қирғизистон Улан Исроилов, Вазири корҳои дохилии Федератсияи Россия Владимир Колоколсев, Вазири корҳои дохилии Ҷумҳурии Ӯзбекистон Абдусалом Азизов, муовини Вазири корҳои дохилии Ҷумҳурии Молдова Олег Бабин, муовини Сардори политсияи Ҷумҳурии Арманистон Вардан Егиазарян, Директори Бюрои ҳамоҳангсозии мубориза бар зидди ҷиноятҳои муташаккил ва дигар намуди ҷиноятҳои хавфнок дар ҳудуди ИДМ Олег Коновалов, муовини Раиси Кумитаи иҷроияи ИДМ Конисбек Жусупбеков ва дигар шахсони расмӣ иштирок доранд. Ҷумҳурии Тоҷикистонро дар ҷаласаи мазкур Вазири корҳои дохилаи мамлакат генерал-лейтенант Рамазон Раҳимзода муаррифӣ мекунад.
Мувофиқи хабарӣ расмӣ, вазирони корҳои дохилии кишварҳои ИДМ масъалаҳои тақвият додани мубориза бар зидди терроризму экстремизм ва таҳдиду хатарҳои замони муосирро мавриди баррасӣ қарор дода, оид ба беҳтар намудани сифат ва баланд бардоштани ҳамкории самараноки дуҷониба ва бисёрҷониба табодули афкор мекунанд. Дар ҳузури намояндагони ВАО зикр шуд, ки танҳо тавассути ҳамкории муштараки вазоратҳои дахлдор кишварҳои ИДМ метавонанд дар мубориза бар зидди ҷиноятҳои муташаккилонаи фаромиллӣ ва пешгирии содиршавии ҷиноятҳои террористӣ, ифротгароӣ, гардиши ғайриқонунии маводи мухаддир ба натиҷаҳои қаноатбахш муваффақ шаванд.
Хотиррасон мекунем, ки Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қабл аз шурӯи ҷаласа вазирони корҳои дохилии давлатҳои аъзои ИДМ-ро субҳи имрӯз дар Қасри миллат ба ҳузур пазируфта, ба кори ҷаласа натиҷаҳои бобарорро орзу карданд.
Ҷаласаи навбатии Шӯрои вазирони корҳои дохили кишварҳои аъзои Иттиҳоди Давлатҳои мустақил дар Душанбе то 29 июни соли ҷорӣ идома меёбад.
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Бахшида ба Рӯзи кормандони ҳифзи сирри давлатӣ озмоишгоҳи ҳифзи техникии иттилоот ва бахши хизматрасонии техникӣ ифтитоҳ ёфт
Дар шаҳри Фарғона мулоқоти роҳбарони хадамоти махсуси Қирғизистон, Тоҷикистон ва Узбекистон баргузор гардид
Бо мақсади таъмини ҳифзи сирри давлатӣ ва ҳифзи техникии иттилоот дар Тоҷикистон ҳамоиш доир шуд
Даъвати баҳорӣ ба Артиши миллӣ бо эҳсоси баланди ватандӯстӣ идома дорад
Вохӯрии навбатии гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Ҳамкории мақомоти корҳои дохилии Тоҷикистон ва Италия тақвият меёбад
ДАЪВАТИ БАҲОРИИ ШАҲРВАНДОН. Ин маъракаи муҳими сиёсӣ дар шаҳру ноҳияҳои Тоҷикистон муташаккилона идома дорад
АФЗАЛИЯТ ВА БАРТАРИЯТИ ХИЗМАТИ АСКАРӢ. Ҷавонон баробари ворид шудан ба хизмат таҳти ҳимояти Артиши миллӣ қарор мегиранд
Стратегияи миллӣ оид ба назорати маводи нашъаовар дар мақомоти гумруки Тоҷикистон тавзеҳ дода шуд
