Вохӯрии кормандони Хадамоти пешгирии ҳуқуқвайронкунӣ дар байни ноболиғону ҷавонон бо фаъолони ноҳияи Рӯдакӣ
ДУШАНБЕ, 15.06.2017 /АМИТ «Ховар»/. Имрӯз кормандони Хадамоти пешгирии ҳуқуқвайронкунӣ дар байни ноболиғону ҷавонони (ХПҲНҶ) Вазорати корҳои дохилии Ҷумҳурии Тоҷикистон ва кормандони Шуъбаи ВКД-2 дар ноҳияи Рӯдакӣ дар ҳудуди ноҳия, аз ҷумла дар ҷамоати деҳоти Гулистон ва ҷамоати деҳоти Роҳатӣ бо ҷавонон, фаъолон, омӯзгорони муассисаҳои таълимӣ ва имомхатибони масҷидҳои ноҳия вохӯриҳо доир намуданд.
Тавре ба АМИТ «Ховар» аз Вазорат хабар доданд, дар вохӯриҳо ба масъалаҳои шомилшавии ҷавонон ба ҳизбу ҳаракатҳои дорои хусусияти экстремистидошта ва роҳҳои пешгирии он диққати махсус дода шуд. Муовини сардори ХПҲНҶ полковники милитсия Баҳром Шокирзода зимни суханронӣ оид ба риояи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» андешаронӣ намуда, бандҳои алоҳидаи қонуни мазкурро мавриди муҳокима қарор дод. Ҳамчунин ба ҳозирин мисолҳои мушаххас аз ҷинояту ҳодисаҳои дар ноҳия ба вуқӯъомада ёдовар шуда, зикр кард, ки ҳар як сокини ноҳияро зарур аст, ҷиҳати пешгирии ҷинояту чинояткорӣ бо кормандони милитсия ҳамкориро ба роҳ монда, ба манфиати давлату ҷомеа хизмат намояд.
Ба зикри манбаъ, робитаву ҳамкории мақомоти милитсия бо аҳли ҷомеа дар раванди пешгирии ҷинояту ҷинояткорӣ муҳим арзёбӣ гардида, роҳбарияти Вазорати корҳои дохилӣ баҳри боз ҳам тақвият бахшидани кор дар ин самт таваҷҷуҳи хосса зоҳир менамояд.
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
