Дар бозори шаҳри Хоруғ ярмаркаи маҳсулоти кишоварзӣ бо нархи арзон доир шуд
ХОРУҒ, 15.07.2017 /АМИТ «Ховар»/. Бо иқдоми Агентии захираҳои моддии давлатии назди Ҳукумати Ҷумҳурии Тоҷикистон дар бозори «20-солагии Истиқлолияти давлатӣ»-и шаҳри Хоруғ ярмаркаи фурӯши маҳсулоти кишоварзӣ роҳандозӣ шуд.
Тавре хабарнигори минтақавии АМИТ «Ховар» иттилоъ дод, нархи тамоми навъҳои маҳсулоти кишоварзӣ нисбат ба чанд рӯзи пеш як баробар арзон пешниҳод гардид. Бар асари ҷорӣ шудани сел дар деҳаҳои Хостав ва Ширговади ноҳияи Дарвоз роҳи Кӯлоб — Қалъаи Хум — Хоруғ баста шуда, ба нарху навои бозору мағозаҳои шаҳру ноҳияҳои вилоят таъсири худро расонд. Бо супориши Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Агентии захираҳои моддии давлатии назди Ҳукумати ҷумҳурӣ бо мақсади паст намудани нархи маводи озуқаворӣ чунин ярмарка доир намуд.
Сокини шаҳри Хоруғ Оламнамо Рустамова бо минатдорӣ ба Ҳукумати ҷумҳурӣ иброз дошт, ки як рӯз пеш барои харид ба бозор рафта, аз нархи гарони он натавонист маҳсулоти заруриро харидорӣ намояд ва имрӯз он маҳсулотҳоро бо нархи арзон харидорӣ намуд.
«Имрӯз нархи картошка 4 сомонӣ ва харбуза 3 сомонӣ аст. Нархи шакар, ки як ҳафта пеш 8 сомонӣ буд, имрӯз 4 сомонӣ мебошад. Умуман ҳамаи намудҳои маводи ғизоӣ бо нархи дастрас фурӯхта мешаванд. Мо хеле минатдор ҳастем»,- баён намуд Оламнамо Рустамова .
Ба гуфтаи масъулини Агентии захираҳои моддии давлатии назди Ҳукумати Ҷумҳурии Тоҷикистон, то ба эътидол омадани вазъи роҳҳои автомобилгард чунин ярмаркаҳо дар шаҳру ноҳияҳои вилоят ҳафтае як маротиба баргузор карда мешаванд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
