Дар Тоҷикистон 370 шаҳрванди Афғонистон таҳсил менамоянд

Июль 4, 2017 16:33

ДУШАНБЕ, 04.07.2017 /АМИТ «Ховар»/.  Бо мақсади фароҳам овардани шароит барои таҳсили хонандагони афғон дар Ҷумҳурии Тоҷикистон, баробарарзишии ҳуҷҷатҳои таҳсилии донишҷўён ва интиқоли донишҷўён аз як ихтисос ба ихтисоси дигар Вазири маориф ва илми Ҷумҳурии Тоҷикистон  Нуриддин Саид бо Сафири Фавқулода ва Мухтори Ҷумҳурии Исломии Афғонистон дар Ҷумҳурии Тоҷикистон Залмай Юнусӣ табодули андеша намуд.

Тавре аз Вазорати маориф ва илми Ҷумҳурии Тоҷикистон иттилоъ доданд, ҳамкории Вазорати маориф ва илми Ҷумҳурии Тоҷикистон бо Ҷумҳурии Исломии Афғонистон дар самти маориф ва илм  дар асоси Созишнома байни Ҳукумати Ҷумҳурии Тоҷикистон ва Ҷумҳурии Исломии Афғонистон оид ба ҳамкорӣ дар соҳаҳои маориф, фарҳанг, илм ва техника (аз соли 2005), Созишнома байни Вазорати маорифи Ҷумҳурии Тоҷикистон ва Вазорати маорифи Ҷумҳурии Исломии Афғонистон дар соҳаи маориф (аз соли 2006), Протоколи тавофуқи Вазири маорифи Ҷумҳурии Тоҷикистон ва Вазири таҳсилоти олии Ҷумҳурии Исломии Афғонистон (аз соли 2013) ба роҳ монда шудааст.

Ба иттилои манбаъ, ҳар  сол дар асоси созишномаҳои мазкур аз ҷониби Ҷумҳурии Тоҷикистон барои шаҳрвандони Ҷумҳурии Исломии Афғонистон 50 бурсияи таҳсилӣ дар зинаи бакалавр дар муассисаҳои таҳсилоти олии касбӣ ҷудо карда мешавад.  Ҳоло  дар муассисаҳои таҳсилоти олии касбии Ҷумҳурии Тоҷикистон беш аз 370 нафар шаҳрвандони Ҷумҳурии Исломии Афғонистон таҳсил менамоянд.

Июль 4, 2017 16:33

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад