Дилшод Назаров маротибаи чаҳорум чемпиони Осиё шуд!

Июль 10, 2017 12:25

ДУШАНБЕ, 10.07.2017 /АМИТ «Ховар»/. Дар чемпионати XXII Осиё оид ба варзиши сабук, ки дар шаҳри Бҳубанешвари Ҳиндустон баргузор гардид, варзишгари маъруфи тоҷик, Чемпиони Бозиҳои олимпии Рио-де-Жанейро-2016 Дилшод Назаров дар намуди гурзандозӣ маротибаи чаҳорум чемпиони  Осиё шуд.

Дар ин бора ба АМИТ «Ховар» аз  Кумитаи миллии олимпии Ҷумҳурии Тоҷикистон хабар доданд.

Бино ба иттилои манбаъ, дар ин мусобиқа Дилшод Назаров гурзро ба дурии 76 метру 69 сантиметр ҳаво дода, соҳиби медали тилло гардидааст. Мақоми дуюмро бо натиҷаи 73 метру 81 сантиметр Шизу Ванг аз Хитой ишғол кард. Медали биринҷиро бо натиҷаи 73 метру 77 сантиметр Ювунчул Ли аз Кореяи Ҷанубӣ соҳиб шуд.

Иттилоъ дода мешавад, ки ин ягона медали тими Тоҷикистон дар ин чемпионат аст. 6 варзишгари дигари Тоҷикистон – Даврон Атабоев дар сабқати дав (масофаи 100 ва 400 метр), Кристина Пронженко (400 метр ва 400 метр бо монеа), Одилшо Исматов (800 метр), Алишер Пулотов, Азизҷон Абдуллоев (400 метр бо монеа) ва Григорий Дерепаскин (200 ва 400 метр) аз медалҳо маҳрум монданд. Танҳо Кристина Пронженко натиҷаи беҳтар нишон дод. Ӯ дар давидан ба масофаи 400 метр миёни занон бо натиҷаи 54,62 сония дар даври финалӣ мақоми шашумро ишғол кард.

Ёдовар мешавем, ки Ассотсиатсияи варзиши сабуки Осиё Дилшод Назаровро беҳтарин варзишгари минтақаи Осиё эълон кард. Ӯ солҳои 2009, 2013, 2015 низ Қаҳрамони Осиё гардидааст. Акнун Дилшод Назаров ба чемпионати ҷаҳон, ки 4-13 август дар Лондон (Британияи Кабир) баргузор мешавад, омодагӣ мебинад.

Дар ҳисоби даставӣ Тоҷикистон бо як медали тилло дар чемпионати Осиё-2017 миёни 45 кишвар ҷойи 13-умро ишғол кард. Ҳиндустон бо 29 медал (12 тилло, 5 нуқра, 12 биринҷӣ) сазовори ҷойи аввал гардид. Варзишгарони Чин бо 20 медал (8, 7, 5) ҷойи дуюм ва Қазоқистон бо 8 медал (4, 2, 2) ҷойи сеюмро ишғол карданд.

Дилшод Назаров чемпиони ОсиёДилшод Назаров чемпиони Осиё-2

Июль 10, 2017 12:25

Хабарҳои дигари ин бахш

Дастаи мунтахаби Тоҷикистон ҷиҳати иштирок дар Бозиҳои олимпӣ ба шаҳри Парижи Фаронса сафар намуд
ҶОМИ ОСИЁ-2025. Дастаи мунтахаби наврасони Тоҷикистон (U-17) тамринҳои худро барои иштирок дар марҳилаи интихобии оғоз намуданд
ИМРӮЗ — РӮЗИ БАЙНАЛМИЛАЛИИ ШОҲМОТ. Дар Тоҷикистон Мусобиқаи байналмилалии варзишӣ оид ба шоҳмот доир мешавад
Имрӯз дастаҳои мунтахаби футзали Тоҷикистон ва Узбекистон бозӣ мекунанд
Мавзуна Чориева: «Аз варзишгарони тоҷик умеди зиёд дорем, ки дар Бозиҳои олимпии Париж-2024 ба дастовардҳои назаррас ноил мегарданд»
Дар Хоруғ Варзишгоҳи марказӣ аз нав таъмир гардид
ФУТБОЛ. Дарко Илиески ва Павел Назаренко ба ҳайати бозигарони дастаи «Истиқлол»-и шаҳри Душанбе пайвастанд
ҶОМИ «INNOPROM — 2024». Дастаи «Равшан»-и Кӯлоб аз ин мусобиқот бо медали биринҷӣ ба Ватан баргашт
Темур Раҳимов маротибаи дуюм парчамбардори дастаи мунтахаби олимпии Тоҷикистон дар Бозиҳои олимпӣ мешавад
БОЗИҲОИ ОЛИМПИИ ПАРИЖ-2024. Рустами Эмомалӣ бо ҳайати дастаи мунтахаби Тоҷикистон мулоқот намуданд
ЧЕМПИОНАТИ CAFA-2024. Имрӯз дастаҳои мунтахаби ҷавонони Тоҷикистон ва Узбекистон барои ҷойи сеюм байни ҳам бозӣ мекунад
ФУТБОЛ. Никола Стошич ба дастаи «Истиқлол»-и шаҳри Душанбе баргашт