Файзиддин Қаҳҳорзода: «ҶСК «Хоҷа оби гарм» тавассути лоиҳаи инфиродии хусусигардонӣ бояд хусусӣ гардонида шавад»
ДУШАНБЕ, 31.07.2017 /АМИТ «Ховар»/. Имрӯз зимни нишасти матбуотӣ Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Файзиддин Қаҳҳорзода ба хабарнигорон иттилоъ дод, ки дар доираи барномаҳои хусусигардонӣ фурӯши як қатор корхонаҳои азими ҷумҳурӣ: Ҷамъиятҳои саҳомии кушодаи «Сементи тоҷик», «Гулистон» ва истироҳатгоҳи «Хоҷа оби гарм» ба нақша гирифта шудааст.
Ба гуфтаи Файзиддин Қаҳҳорзода, ҳоло корҳо атрофи ҶСК «Сементи тоҷик» идома доранд. Муҳлати амалии барнома то анҷоми соли равон тамдид шуда, барномаи нав омода карда шудааст, ки фарогири корхонаи мазкур мебошад.
«Дар мавриди «Гулистон» метавон ҳаминро гуфт, ки ҳоло ин корхона фаъолият дорад. Дар як қисмати бино бо назардошти ниёзмандии мақомоти давлатӣ як қатор идораҳои давлатӣ ҷойгир карда шуда, истифодаи самараноки корхона таъмин шудааст.
Байни Кумитаи давлатии сармоягузорӣ ва идораи амволи давлатии Ҷумҳурии Тоҷикистон, ҶСК «Фононбонк» ва «Амонатбонк» корҳо идома дошта, дар назар аст то охири соли равон вобаста ба истифодаи минбаъдаи ҶСК «Гулистон» мо ба мувофиқа расем,- иброз дошт Файзиддин Қаҳҳорзода.
Ҳамчунин номбурда дар мавриди ҶСК «Хоҷа оби гарм» чунин зикр намуд: «ҶСК «Хоҷа оби гарм» тавассути лоиҳаи инфиродии хусусигардонӣ бояд хусусӣ гардонида шавад ва ин масъала дар мувофиқа бо Ҳукумат сурат мегирад».
Бахшида ба Рӯзи Президент дар Академияи миллии илмҳо конференсияи илмию назариявӣ баргузор шуд
Дар Бадахшон Рӯзи Президент бо тантана таҷлил гардид
Имрӯз дар Тоҷикистон ҳаво рӯзона то 24 дараҷа гарм мешавад
Дар ноҳияи Ёвон Рӯзи Президенти Тоҷикистон ва 33-солагии Иҷлосияи XVI Шурои Олӣ таҷлил гардид
Бо ибтикори Ҳаракати ваҳдати миллӣ ва эҳёи Тоҷикистон дар Норак ҳамоиши ҷумҳуриявӣ доир шуд
Муовини якуми Раиси Ҳизби Халқии Демократии Тоҷикистон бо аъзои Бюрои сиёсии ҳизби «Единая Русия» мулоқот намуд
Пешвои миллат Эмомалӣ Раҳмон дар Вазорати рушди иқтисод ва савдо ва намояндагиҳои дипломатии Ҷумҳурии Тоҷикистон таъиноти кадрӣ ба амал оварданд
РӮЗИ ПРЕЗИДЕНТ. Ҷашне, ки ба шахсияти таърихӣ ва хизматҳои беназири Президенти Тоҷикистон бахшида шудааст
Имрӯз дар Душанбе ҳаво рӯзона то 22 дараҷа гарм мешавад
Дар шаҳри Душанбе Рӯзи Президенти Ҷумҳурии Тоҷикистон таҷлил гардид
Тарофаҳои нав барои Суғд: интернети бештар бо нархи дастрас!
Дар шаҳри Норак Фестивали «Анор» доир гардид
