Масъалаҳои вобаста ба истифодаи оби дарёҳои Сир ва Ому дар Душанбе баррасӣ гардиданд
ДУШАНБЕ, 08.07.2017 /АМИТ «Ховар»/. Дар шаҳри Душанбе пойтахти Ҷумҳурии Тоҷикистон ҷаласаи 71 -уми Комиссияи байнидавлатии ҳамоҳангсозии хоҷагии оби кишварҳои Осиёи Марказӣ дар сатҳи муовинони вазирони обу энергетикаи давлатҳои ҳавзаи Осиёи Марказӣ –Тоҷикистон, Ӯзбекистон, Қазоқистон ва Туркманистон доир гардид.
Тавре дар суҳбат ба хабарнигори АМИТ «Ховар» муовини аввали Вазири энергетика ва захираҳои оби Ҷумҳурии Тоҷикистон Султон Раҳимзода иброз дошт, дар ҷаласаи 71-уми Комиссияи байнидавлатии ҳамоҳангсозии хоҷагии оби Осиёи Марказӣ масъалаҳои раванди иҷрои қарорҳои ҷаласаи қаблии Комиссия оид ба истифодабарии об аз ҳавзаи дарёҳои Сир ва Ому дар мавсими обёрии соли 2017, инчунин омодагӣ ба ҷашни 25 -солагии таъсиси Комиссияи мазкур, ки моҳи ноябр дар шаҳри Тошканд таҷлил мегардад, баррасӣ шуда, қарорҳои марбута қабул гардиданд.
Бояд тазаккур дод, ки Комиссияи байнидавлатии ҳамоҳангсозии хоҷагии оби Осиёи Марказӣ соли 1992 аз ҷониби ҳукуматҳои кишварҳои Осиёи Марказӣ бо мақсади тақвияти ҳамкориҳо дар самти истифодаи захираҳои обии ҳавзаи дарёҳои Сир ва Ому созмон дода шудааст. Дар як сол дар кишварҳои гуногуни Осиёи Марказӣ чор маротиба ҷаласаҳои Комиссияи байнидавлатии ҳамоҳангсозии хоҷагии оби Осиёи Марказӣ гузаронида мешаванд. Интизор меравад, ки моҳи ноябри соли 2017 дар пойтахти Ӯзбекистон — шаҳри Тошканд ҷаласаи 72-юми Комиссияи байнидавлатии ҳамоҳангсозии хоҷагии оби кишварҳои Осиёи Марказӣ баргузор гардад.
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
Имрӯз дар водиҳои Тоҷикистон ҳаво то 40 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1245 сомонӣ муқаррар шудааст
