Нашриёти «Маориф»-и Тоҷикистон дар шаҳри Остона сазовори як медалу ҳафт диплом шуд
ДУШАНБЕ, 12.07.2017 /АМИТ «Ховар»/. Аз 15 то 18 июн дар шаҳри Остонаи Ҷумҳурии Қазоқистон Намоиши байналмилалии китоби Авруосиё баргузор шуд, ки дар он Муассисаи нашриявии «Маориф»-и Вазорати маориф ва илми Ҷумҳурии Тоҷикистон иштирок намуда, беҳтарин маводи тозанашри худро ба намоиш гузошт.
Дар ин бора ба АМИТ «Ховар» аз Вазорати маориф ва илми Ҷумҳурии Тоҷикистон хабар доданд.
Ба иттилои манбаъ, дар Намоишгоҳ аз 22 давлати дунё зиёда аз 100 ширкату муассисаҳои табъу нашриявӣ иштирок намуданд. Хурсандибахш аст, ки дар таърихи ҷумҳурӣ нахустин маротиба маводи нашрии ҷумҳурӣ дар Намоиши байналмилалӣ соҳиби медал гардид. Аз рӯи номгӯи китобҳо дар мавзӯи кишваршиносӣ китоби дастаҷамъии шоир Михаил Синелников «Сердце Азии» (Маориф, 2016), ки бо пешгуфтори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯи чоп омадааст, соҳиби дипломи махсус ва 30 000 тенге гардид.
Нашри нави китоби «Афсонаҳои халқи тоҷик» (Маориф, 2017) барои ороиш сазовори Дипломи махсус ва аз номинатсияи китоб барои кӯдакон ва наврасон сазовори Диплом ва медали дараҷаи сеюми Намоиши байналмилалии китоби Авруосиё шуд. Дар баробари ин Муассисаи нашриявии «Маориф» барои ороиши ғурфа (павилон) ва иштироки фаъолона дар Намоишгоҳ боз бо ду дипломи Намоишгоҳ сарфароз гардонида шуд.
Дар хотима Вазорати маориф ва илми Ҷумҳурии Тоҷикистон ва Иттифоқи нависандагони Тоҷикистон барои дастгирӣ ва таъмини иштироки ноширони тоҷик бо Дипломи Намоишгоҳи дуюми байналмилалии китоби Авруосиё сарфароз гардонида шуданд.
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
Фаронсаро тӯфони «Флориан» фаро гирифтааст
