Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар Душанбе майдончаи варзишӣ бунёд намуд
ДУШАНБЕ, 17.07.2017 /АМИТ «Ховар»/. Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар кӯчаи Бухорои шаҳри Душанбе як майдончаи зебову замонавии варзишӣ мавриди истифода қарор дода шуд.
Тавре ба АМИТ «Ховар» аз Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд, майдончаи варзишӣ бо маблағи 924 ҳазор сомонӣ дар масоҳати 4800 метри мураббаъ бунёд ёфта, корҳои сохтмониву васлкунӣ аз ҷонби ҶДММ «Трансхизмат» бо сифати баланд ба анҷом расонида шудааст.
Ҳангоми ифтитоҳи майдончаи варзишӣ муовини Раиси шаҳри Душанбе Мавсума Муинӣ зикр кард, ки майдонча бо сифати баланд омода шуда, туҳфаи хубе аз ҷониби Вазорати тандурустӣ ва ҳифзи иҷтимоии аҳолӣ ба кӯдакону наврасони кӯчаи Бухоро мебошад.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода зикр намуд, ки Вазорати тандурустӣ ва ҳифзи иҷтимоии аҳолӣ пайваста барои солимии мардуми кишвар талош дорад ва тарғиби ташаккули тарзи ҳаёти солим яке аз самтҳои асосии фаъолияти Вазорат ба ҳисоб меравад. Аз ин рӯ, майдончаи варзишӣ бо мақсади варзиш ва фароғату истироҳати кӯдакону наврасон сохта ба истифода дода шудааст.
Ба иттилои муовини Раиси шаҳри Душанбе, дар пойтахти кишвар бунёди 70 майдончаи варзишӣ ва 80 гулгашти нав ба нақша гирифта шудааст.
«САЙРИ САДА». Барои меҳмонону сайёҳони шаҳри Душанбе хатсайри ройгони сайёҳӣ ташкил карда мешавад
Рустами Эмомалӣ: «Соли 2025 дар шаҳри Душанбе 62 корхонаю коргоҳи нави истеҳсолӣ ба истифода дода шуд»
«БА ҚАДРИ ЗАҲМАТИ ДИГАРОН БОЯД РАСИД!». Чаро мо масъулияти шаҳрнишиниро риоя намекунем?
Тарҳи нави лоиҳаи «Харитаи электронии шаҳри Душанбе» муаррифӣ гардид
АЗ НАВОВАРӢ ТО РУШДИ УСТУВОР. Мавқеи Душанбе ҳамчун маркази сайёҳӣ дар минтақа тақвият меёбад
Рустами Эмомалӣ бо мақсади бунёди Маҷмааи эҳёи хотираи таърихӣ бо бостоншиносону таърихнигорон вохӯрӣ намуданд
Имрӯз иҷлосияи чоруми Маҷлиси вакилони халқи шаҳри Душанбе, даъвати ҳафтум доир гардид
ДУШАНБЕ-ШАҲРИ САБЗ. Дар пойтахт зиёда аз 12 миллион дона гулҳои мавсимию бисёрсола шинонида мешаванд
Бо иштироки 2500 нафар кӯдакон дар Душанбе барномаи фарҳангӣ-фароғатӣ баргузор гардид
Дар чор ноҳияи шаҳри Душанбе намоиш-фурӯши маҳсулоти мавриди ниёзи аввал оғоз гардид
Иҷлосияи чоруми Маҷлиси вакилони халқи шаҳри Душанбе, даъвати ҳафтум баргузор мегардад
Озмуни «Беҳтарин маводи телевизионӣ, матбуотӣ ва радиоӣ дар шаҳри Душанбе» баргузор мегардад
