«Асбобҳои мусиқӣ дар системаи санъати шашмақом» — дастур барои мусиқишиносон
ДУШАНБЕ, 19.08.2017. /АМИТ «Ховар»/ «Асбобҳои мусиқӣ дар системаи санъати шашмақом»- таҳти чунин унвон китоби нави номзади илмҳои санъатшиносӣ, омӯзгори Донишкадаи давлатии фарҳанг ва санъати Тоҷикистон ба номи Мирзо Турсунзода Мурод Эшонқулов ба табъ расид. Дар ин бора аз Вазорати фарҳанги Ҷумҳурии Тоҷикистон хабар доданд.
Асар ба мавзӯи мубрам, яъне истифодаи асбобҳои мусиқӣ дар низоми санъати шашмақом бахшида шудааст. Дар китоб ҷабҳаҳои гуногуни асбобҳои миллии халқҳои Осиёи Марказӣ – тоҷикон ва ӯзбекон мавриди таҳқиқ қарор дода шудааст. Муаллиф зимни ҷамъоварӣ ва омӯзиши маводи илмӣ оид ба намудҳо, тарзи омодасозӣ, истифода, оҳанг ва садои асбобҳои мусиқӣ, мисли танбӯр, дутору сетор маълумоти муфассалро пешкаши хонандагон кардааст. Инчунин дар асар истифодаи ин асбобҳо дар марҳилаи ҷории тамаддуни фарҳангӣ муайян карда мешавад.
Ба иттилои манбаъ, китоб барои доираи васеи мусиқишиносон, мутрибон, донишҷӯён ва омӯзгорони мактабҳои олӣ ва миёнаи санъат, инчунин барои онҳое, ки ба мусиқӣ ва мавзӯи мазкур шавқу рағбат доранд, пешниҳод мешавад.
Дар ноҳияи Шаҳринав оид ба пешгирии ҳолатҳои ғарқшавӣ ҷаласа доир гардид
Имрӯз дар водиҳои Тоҷикистон ҳаво то 37 дараҷа гарм мешавад
Ҳунарпешаи халқии Тоҷикистон Саидмурод Мардонов аз олам даргузашт
Форуми ҷавонони Осиёи Марказӣ ва давлатҳои аъзои Шурои ҳамкории Халиҷ баргузор гардид
Вобаста ба дастовардҳо, дурнамои рушди ҷавонон ва варзиш ҳамоиш доир шуд
Имрӯз дар Тоҷикистон чангу ғубор ба амал меояд
Бахшида ба Рӯзи ҷавонон иқдоми эҷодии донишҷӯёни Донишгоҳи техникии Тоҷикистон доир гардид
Дар Бохтар оид ба нақши ҷавонон дар рушди ҷомеаи муосир ҳамоиш доир гардид
Озмуни ҷумҳуриявии «Дизайнер ва барномасози беҳтарин» баргузор гардид
Дар минтақаи Кӯлоб 15 тонна намаки ғайристандартӣ ошкор карда шуд
Имрӯз дар Тоҷикистон ҳаво то 37 дараҷа гарм мешавад
Намояндаи Тоҷикистон дар ҷаласаи XX Форуми марказҳои таҳлилии СҲШ иштирок намуд
