Дар деҳаи дурдасти Булункӯли ноҳияи Мурғоб Маркази пазироии сайёҳон боз шуд

Август 11, 2017 11:46

ХОРУҒ, 11.08.2017 /АМИТ «Ховар»/. Даштҳои ҳамвору роҳҳои пурпечу тоби кӯҳӣ, дарёчаву кӯли пур аз моҳӣ, ҳайвоноти нодир, расму суннатҳои ҷолиби халқҳои тоҷику қирғиз таваҷҷуҳи сайёҳони хориҷиро ба ин деҳаи дурафтодаи ноҳияи Мурғоб сол аз сол бештар ҷалб мекунанд. Инро ба назар гирифта, Ассотсиатсияи экологию фарҳангии Помир дар ин деҳа Маркази пазироии сайёҳон боз кард. Раиси Ассотсиатсияи мазкур Асадшо Зоолшоев гуфт, ки «дар ин деҳа панҷ хати сайр барои сайёҳон ташкил шудааст ва онҳо мувофиқи хоҳиши худ бо истифода аз аспу шутур ва қутос ба мавзеъҳои хушманзараи кӯлҳои Яшикӯл, Сарез, дараи Бадчор ба сайёҳат мебароянд.  Ҳангоми бозгашт ба ватан сайёҳон метавонанд аз маҳсулоти дастии ҳунармандони маҳаллӣ, ки аксаран аз пашму пӯсти қутос ва бузу гӯсфанд омода шудаанд, армуғон баранд». Номбурда гуфт, ки дар Маркази пазироӣ барои сайёҳон ҳамаи маълумот дар бораи мавзеъҳои таърихӣ, кӯлу дарёҳои кӯҳӣ, урфу одат ва анъанаҳои мардумони тоҷику қирғиз пешниҳод мегардад. Илова бар ин, дар давоми 10 соли охир дар деҳоти дурафтодаи вилоят 80 адад хонаҳои хурди меҳмондорӣ бунёд шудаанд.

Шумораи  марказҳои пазироии сайёҳон дар ҳудуди вилоят ба се адад расидааст. Қаблан  чунин марказҳои хизматрасонӣ дар шаҳраки Қалъаи хум ва маркази вилоят- шаҳри Хоруғ ба фаъолият оғоз карда буданд.

 

Август 11, 2017 11:46

Хабарҳои дигари ин бахш

Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид