Дастаи мунтахаби наврасони Туркманистон аз иштирок дар Чемпионати Осиё-2018 даст кашид

ДУШАНБЕ, 25.08.2017 /АМИТ «Ховар»/.  Дастаи мунтахаби наврасони то 16-солаи Туркманистон (U-16) аз иштирок дар марҳилаи интихобии чемпионати Осиё-2018, ки дар Тоҷикистон баргузор мегардад, даст кашид.

Тавре аз маркази матбуоти Федератсияи футболи Тоҷикистон хабар доданд, бинобар сабаби  даст кашидани дастаи мунтахаби наврасони то 16-солаи Туркманистон (U-16) аз иштирок дар марҳилаи интихобии чемпионати Осиё-2018, Конфедератсияи футболи Осиё санаи баргузории ин мусобиқаро дар гурӯҳи «В» дигар кард. Ҳамин тавр, дар гурӯҳи «В» на 5 даста, балки 4 даста қувваозмоӣ хоҳанд кард. Марҳилаи интихобии чемпионати Осиё-2018 дар шаҳри Ҳисор аз 20 то 24 сентябри соли равон баргузор мешавад. Вохӯриҳо дар Варзишгоҳи марказии Ҳисор доир мегарданд.

Дар мусобиқаи интихобӣ рақибони Тоҷикистон дастаҳои мунтахаби наврасони Уммон, Сурия ва Молдив мебошанд.

Чемпионати Осиё-2018 байни наврасони то 16-сола дар даврҳои зерин мегузарад:

Марҳилаи интихобӣ. Гурӯҳи «В»

Даври 1

20 сентябр (чоршанбе)

16:00 – Уммон – Молдив

19:00 – Тоҷикистон – Сурия

Даври 2

22 сентябр (ҷумъа)

16:00 – Сурия – Уммон

19:00 – Молдив – Тоҷикистон

Даври 3

24 сентябр (якшанбе)

16:00 – Сурия – Молдив

19:00 – Уммон – Тоҷикистон