“ЭЙ БУЛБУЛАКОНИ БОҒИ ДОНИШ…”. Дар вилояти Суғд беш аз 60 ҳазор нафар кӯдакон бори аввал ба мактаб мераванд

Август 30, 2017 11:24

ХУҶАНД, 30.08.2017. /АМИТ «Ховар»/.  Ҳамасола дар кишвар 1 сентябр ҳамчун Рӯзи дониш таҷлил шуда, бо садо додани занги аввал оғози соли нави хониш эълон мегардад.  Ва боз  шеъри хеле машҳури Абдусалом Деҳотӣ «Эй булбулакони боғи дониш»  баланд ва мутантан садо медиҳад:

Эй булбулакони боғи дониш,
Шодона таронаҳо муборак!
Боз омадааст фасли хониш,
Таҳсили нави шумо муборак!

Тавре ба АМИТ «Ховар» аз Раёсати маорифи Суғд иттилоъ доданд, соли равон дар Рӯзи дониш  дар ҳамаи мактабҳои   вилоят   соли нави хониш бо Дарси сулҳ оғоз ёфта, дар ин рӯз 924 муассисаи таълимӣ дари худро ба рӯи  499 ҳазор нафар толибилмон, ки аз онҳо зиёда аз 62 ҳазор нафарашон хонандагони синфи як мебошанду бори аввал ба остонаи мактаб қадам мениҳанд, боз менамоянд. Ва 35 ҳазор нафар омӯзгорон ин дӯстрӯяконро ба ҷараёни таълим фаро мегиранд.

Ҳамчунин тибқи маълумоти масъулин аз шуъбаи маорифи шаҳри Хуҷанд, дар ин рӯз 48 адад мактаби таҳсилоти умумии шаҳр   беш аз 4,5 ҳазор толибилмони синфи якро ба мактаб қабул хоҳанд кард.  То имрӯз дар ҳамаи  мактабҳои шаҳр корҳои таъмиру таҷдид ба охир расида, синфхонаҳо бо таҷҳизоту воситаҳои таълимӣ муҷаҳҳаз гардонида шудаанд.

Падидаи наве, ки дар соли хониши ҷорӣ сокинону мактаббачагони Хуҷандро интизор аст, ин моҳи ноябр   дар арафаи ҷашни 25-солагии Иҷлосияи 16-уми Шӯрои Олии ҶТ дар микроноҳияи 8-уми маҳаллаи Темурмалик ифтитоҳ ёфтани боз як мактаби замонавӣ – Муассисаи давлатии мактаби инноватсионӣ барои хонандагони болаёқат бо фарогирии 1280 нафар хонанда  мебошад. Ҳоло дар мактаби мазкур корҳои омодагӣ барои оғози соли хониш ва қабули хонандагон  ҷараён доранд.

Август 30, 2017 11:24

Хабарҳои дигари ин бахш

29 июл дар якчанд вазорату идораҳо нишасти матбуотӣ баргузор мегардад
Давоми шаш моҳ аз ноҳияи Фирдавсӣ қариб 1700 нафар аъзои Ҳизби Халқии Демократии Тоҷикистон гардид
Имрӯз дар Тоҷикистон ҳарорати ҳаво ба 34 дараҷа мерасад
Имрӯз дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
Пагоҳ дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
Намояндагони Федератсияи футболи Тоҷикистон дар конфронси тиббии КФО иштирок намуданд
Имрӯз дар Тоҷикистон хавфи сар задани селҳои пиряхӣ боқӣ мемонад
Дар шаҳри Бохтар аз ҷониби Ҳизби Халқии Демократии Тоҷикистон 933 чорабинӣ доир карда шуд
Дар Тоҷикистон беш аз 45 миллион адад дору ва молҳои тиббӣ истеҳсол гардидаанд
Имрӯз дар Тоҷикистон ҳавои тағйирёбанда дар назар аст
28 июл дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
НИШАСТИ МАТБУОТӢ. Дар Тоҷикистон дар беш аз 526 ҳазор метри мураббаъ хонаҳои истиқоматӣ ба истифода дода шудаанд