Фарзандони бинокорону омӯзгорон дар лагери тобистона ройгон истироҳат мекунанд
ХОРУҒ, 09.08.2017 /АМИТ «Ховар»/. Бо ибтикори Шӯрои иттифоқи касабаи Вилояти Мухтори Кӯҳистони Бадахшон 85 нафар кӯдакону наврасон аз оилаҳои бинокорону омӯзгорон барои истироҳат ба лагери «Саодат»- и деҳаи Поршиневи ноҳияи Шуғнон фиристода шуданд. Сардори Шӯрои вилоятии иттифоқҳои касаба Марзия Некпаева гуфт, ки «ин кӯдакону наврасон дар муддати даҳ рӯз истироҳат мекунанд ва ҳам мувофиқи шавқу завқашон ба давраҳои омӯзишӣ ва намудҳои гуногуни варзишӣ ҷалб карда мешаванд. Сардорони гурӯҳҳоро аз байни донишҷӯёни донишгоҳҳои олии кишвар интихоб кардем ва бештари онҳо дар баробари забони давлатӣ бо забонҳои русию англисӣ озодона суҳбат мекунанд. Ҳамарӯза дар чаҳорчӯби барномаи вижаи ахлоқию тарбиявӣ ба кӯдакону наврасон тарзи муоширату муносибат бо калонсолон, рафтору гуфтор дар хона ва ҷойҳои ҷамъиятӣ омӯзонида мешавад. Ногуфта намонад, ки ҳангоми дарсҳо ба кӯдакону наврасон низ имконият дода мешавад, ки дар доираи мавзӯъ фикру ақидаи худро баён намоянд».
«Саодат» калонтарини лагери вилоят ба шумор рафта, дар як баст то 150 нафар истироҳаткунандагонро қабул карда метавонад. Ин лагер дар аввали солҳои шастум таъсис ёфта, баъди аз ҳам пош хӯрдани Иттиҳоди Шӯравӣ чандин сол бекор монд. Бо кумаку дастгирии Шӯрои иттифоқҳои касабаи вилоят ва хадамоти маорифи Бунёди Оғохон он дубора фаъол гардида, хобгоҳу ошхона ва синфхонаҳои он навсозӣ шуданд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
