КВД «Тоҷиксуғурта»: «Суғурта кардани мактаббачагон ихтиёрӣ аст»
ДУШАНБЕ, 04.08.2017 /АМИТ «Ховар»/. Корхонаи воҳиди давлатии «Тоҷиксуғурта» фаъолияти кории худро бо ду шакли суғурта амалӣ мегардонад, ки он суғуртаи ихтиёрӣ ва суғуртаи ҳатмӣ мебошад. Ин нуктаро имрӯз зимни нишасти матбуотӣ муовини якуми директори генералии КВД «Тоҷиксуғурта» Абдулло Абдуллоев баён намуд.
Ба иттилои номбурда, имрӯз Корхонаи воҳиди давлатии «Тоҷиксуғурта» аз рӯи 28 намуди суғурта ба аҳолӣ хизмат мерасонад, ки аз онҳо 13 намудаш суғуртаи ҳатмӣ ва 15 намудаш суғуртаи ихтиёрӣ мебошад.
Ҳамчунин Абдулло Абдуллоев дар мавриди маҷбуран ба суғурта фаро гирифтани мактаббачагон иброз намуд, ки «Тоҷиксуғурта» фаъолияти суғуртавии худро тариқи филиалҳои худ ва намояндагиҳо ба роҳ мондааст. Суғурта кардани мактаббачагон ихтиёрӣ буда, дар ягон филиали КВД «Тоҷиксуғурта» маҷбуран суғурта кардан ба қайд гирифта нашудааст.
«Кормандони «Тоҷиксуғурта» корҳои фаҳмондадиҳиро ҷоннок намудаанд. Тавре маълум аст, дар фасли зимистон бар асари боришоти сахт ҳодисаҳои нохуш рух медиҳанд. Аз ин рӯ ба хотири барқарор намудани зарар мо ба мактабҳо муроҷиат мекунем, ки суғурта кунанд. То имрӯз ягон нафар оид ба маҷбуран суғурта шудан ба мо шикоят накардааст»,- гуфт муовини якуми директори генералии КВД «Тоҷиксуғурта» Абдулло Абдуллоев.
Донишҷӯёни Коллеҷи тиббии шаҳри Ҳисор бо шароити хизмати сарбозон шинос шуданд
Муштарии ZET-MOBILE миллионер шуд
Имрӯз дар баъзе ноҳияҳои Тоҷикистон туман мефарояд
НИШОНИ ҶАВОНМАРДӢ. Дар ҳошияи асари сиёсатшинос, сиёсатмадор, олим ва адиби нуктасанҷ Саймумин Ятимов
Дар Донишгоҳи давлатии молия ва иқтисоди Тоҷикистон оид ба татбиқи технологияҳои рақамӣ дар низоми логистикӣ машварат доир гардид
Имрӯз дар Тоҷикистон борони кӯтоҳмуддат меборад
Дар Данғара даври ноҳиявии Озмуни ҷумҳуриявии ҳарбӣ- варзишии «Ватанпарвар» доир гардид
«Одамон. Идеяҳо. Ҳаракат». Дар Душанбе нахустин форуми таҷрибаҳои идоракунӣ баргузор шуд
Имрӯз дар Тоҷикистон ҳавои тағйирёбандаи бебориш дар назар аст
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
