Меҳмонони Бадахшон дар Хуҷанд ба дидорбинии собиқ Сарвазири Тоҷикистон Оқил Оқилов ва шоира Фарзона рафтанд
ДУШАНБЕ, 25.08.2017/АМИТ «Ховар»/. Дар доираи баргузории Ҳафтаи фарҳанги Вилояти Мухтори Кӯҳистони Бадахшон дар вилояти Суғд раиси вилояти Бадахшон Шодихон Ҷамшед ва ҳайати ҳамроҳонаш нахуст ба дидорбинии собиқадори меҳнат, ходими сиёсӣ, собиқ Сарвазири Ҷумҳурии Тоҷикистон Оқил Оқилов рафтанд. Дар ин бора хадамоти матбуоти раиси вилояти Суғд хабар додааст.
Тавре роҳбари хадамоти матбуоти раиси ВМКБ Нилуфар Асламшоева иброз намуд, Шодихон Ҷамшед дар меҳмонии собиқ Сарвазири Ҷумҳурии Тоҷикистон аз саҳми ӯ дар рушди соҳаҳои гуногуни мамлакат ёдовар шуда, таъкид намудааст, ки Оқил Оқилов дар амалӣ намудани сиёсати созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нақши арзанда гузоштааст.
Чун нишони эҳтироми мардуми Бадахшон Шодихон Ҷамшед ба Оқил Оқилов туҳфаҳои хотиравӣ тақдим намуд.
Ҳайати меҳмонони бадахшонӣ ҳамчунин ба дидори Шоири халқии Тоҷикистон Фарзона рафтанд. Дар радифи зикри хизматҳои бузурги Фарзона дар ташаккули шеъру адабиёт, таъкид шуд, ки Фарзона аз зумраи шоирони муосири соҳибдевони тоҷикест, ки на танҳо дар Тоҷикистон, балки берун аз он ҳам шуҳратёр гардидааст.
Дар ин дидорбиниҳо ҳайти ВМКБ-ро раиси вилояти Суғд Абдураҳмон Қодирӣ ҳамроҳӣ намуд.
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
Дар Миср бахшида ба Рӯзи Парчами давлатии Ҷумҳурии Тоҷикистон ҳамоиш баргузор шуд
Дар Донишгоҳи давлатии Кӯлоб Рӯзи Парчами давлатиро ҷашн гирифтанд
Имрӯз дар шаҳри Душанбе чангу ғубор ба амал меояд
ШУКУҲИ ПАРЧАМИ ДАВЛАТӢ. Дар Донишгоҳи байналмилалии сайёҳӣ ва соҳибкории Тоҷикистон ҳамоиши идона доир шуд
Парчами давлатӣ симои Тоҷикистонро чун давлати соҳибистиқлолу соҳибтамаддун дар ҷаҳон муаррифӣ менамояд
