Нисбат ба 25 нафар кормандони мақомоти корҳои дохилӣ барои роҳ додан ба қонуншиканӣ ҷазоҳои интизомӣ татбиқ гардид
ДУШАНБЕ, 29.08.2017 /АМИТ «Ховар»/. Вазорати корҳои дохилии Ҷумҳурии Тоҷикистон мақолаи дар шабакаи интернет таҳти унвони «Ягон пулис мисли Тоҷикистон аз паси ришва нест»-ро, ки аз ҷониби аксбардор ва сайёҳи турк Меҳмет Генҷ нашр шуда буд, мавриди баррасӣ қарор дода, ҷиҳати бартараф намудани камбудиҳои ҷойдошта нисбат ба як қатор кормандони мақомоти корҳои дохилӣ ҷазоҳои интизомӣ татбиқ намуд.
Тавре ба хабарнигори АМИТ «Ховар» аз Вазорати корҳои дохилӣ хабар доданд, зимни санҷиши хизматӣ муайян карда шуд, ки баъзе кормандони шуъбаи Бозрасии давлатии автомобилии Раёсати ВКД дар шаҳри Душанбе, ШБДА дар қисми минтақавии РВКД дар вилояти Хатлон оид ба гурӯҳи ноҳияҳои Кӯлоб, шуъбачаҳои БДА-и мақомоти корҳои дохилӣ дар шаҳри Кӯлоб, ноҳияҳои Ш.Шоҳин ва Дарвоз ба камбудиҳо ва қонуншиканӣ роҳ додаанд.
«Ҷиҳати бартараф намудани камбудиҳои ҷойдошта тадбирҳои мушаххас андешида шуда, бо Фармони Вазири корҳои дохилии Ҷумҳурии Тоҷикистон аз 28 августи соли 2017 нисбат ба 25 нафар кормандони мақомоти корҳои дохилӣ ҷазоҳои интизомӣ татбиқ карда шуд»,-иттилоъ доданд аз Вазорат.
БАҲОРИ ГУЛРЕЗИ ТОҶИКИСТОН. Барои кишоварзон мавсими кишту кор фаро расид
НУҚТАИ НАЗАР. Ва ё нонреза ҳам нон аст
Дар шаҳри Кӯлоб 28 мавзеи осебпазир муайян гардидааст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар минтақаи Кӯлоб корҳои фаҳмондадиҳӣ оид ба истифодаи сарфакоронаи неруи барқ идома доранд
Имрӯз дар водиҳои Тоҷикистон ҳаво то 26 дараҷа гарм мешавад
Дар Ҷамоати деҳоти Қаратоғ озмуни «Кадбонуи беҳтарин» баргузор шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ТАҚВИМИ АМИТ «ХОВАР»: имрӯз 27 феврал, ҷумъа, 58-умин рӯзи соли 2026 аст
Дар Рашт оид ба таҳлили вазъ ва омилҳои таҳдиди коррупсия, экстремизм ва терроризм ҳамоиш доир гардид
Имрӯз дар Тоҷикистон борон меборад
SIM ё eSIM: чаро муштариён кортҳои электрониро интихоб мекунанд
