ҶОМИ AFC: Имрӯз дастаи «Истиқлол» бо дастаи «Серес»-и Филиппин вомехӯрад
ДУШАНБЕ, 22.08.2017 /АМИТ«Ховар»/. Шоми имрӯз дастаи футболи «Истиқлол»-и Душанбе дар марҳилаи нимфиналии байниминтақавии Ҷоми Конфедератсияи футболи Осиё -2017 бо дастаи «Серес»-и Филиппин вомехӯрад. Дастаи футболи «Серес» дар ду вохӯрӣ бар дастаи футболи «Хоум Юнайтед»-и Сингапур бо ҳисоби 2:0 ва 1:2 ғалаба кард
Тавре аз Федератсияи футболи Тоҷикистон ба АМИТ «Ховар» иттилоъ доданд, бозии аввали даври нимфиналии байниминтақавии Ҷоми КФО-2017 миёни дастаҳои «Истиқлол» ва «Серес» дар Варзишгоҳи марказии шаҳри Ҳисор доир мегардад. Бозии ҷавобӣ 12 сентябр дар шаҳри Баколоди Филиппин ба нақша гирифта шудааст.
Сармураббии дастаи «Истиқлол»-и Душанбе Муҳсин Муҳаммадиев 21 август дар шаҳри Душанбе дар нишасти хабарии пеш аз бозӣ оид ба имкониятҳои дастаи худ ва ҳариф ибрози назар карда, таъкид кард, ки «мо чун ҳарвақта барои бозиҳои даври гурӯҳӣ омодагии хуб дидаем. Бояд гуфт, ки дар ин марҳила дастаҳои суст боқӣ намондаанд. Дастаи «Серес Негрос» низ дастаи пурқувват аст ва 80 фоизи ин дастаро футболбозони дигар давлатҳое, ки шаҳрвандии Филиппинро қабул кардаанд, ташкил медиҳанд. Новобаста ба ин, мо аз онҳо ҳарос надорем. Боварӣ дорам, ки муваффақият насиби мо мешавад».
Сармураббии дастаи «Серес Негрос»-и Филиппин Ристо Видакович мегӯяд, ки бори аввал аст бо ин даста қувва меозмоянд: «Мо бозиҳои зиёди «Истиқлол»-ро тамошо кардем. Дастаи «Истиқлол» дастаи тавоно аст ва ҳамеша дар ҳуҷум мебошад. Бинобар ин мо кӯшиш мекунем, ки бозии беҳтарини худро нишон диҳем. Дастаи «Серес Негрос» бори аввал аст, ки ба чунин марҳилаи Ҷоми AFC роҳ меёбад. Аз ин рӯ барои мо натиҷа дар ин давр басо муҳим мебошад».
Дар сурати пирӯзӣ дастаи «Истиқлол» дар даври финалии байниминтақавӣ бо ғолиби ҷуфти «Бенгалуру»-и Ҳиндустон — дастаи «25 апрел»-и Кореяи Шимолӣ рақобат мекунад.
Бозиҳои ниҳоии байниминтақавӣ 27 сентябр ва 18 октябр баргузор мешаванд.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
