Осорхонаи таърихии Ҳисор соҳиби Шоҳҷоизаи озмуни «Оинаи таърих» гардид

Август 1, 2017 10:23

ДУШАНБЕ, 1.08.2017. /АМИТ «Ховар»/.  31 июл дар Вазорати фарҳанги Ҷумҳурии Тоҷикистон маросими ботантанаи ҷамъбасти озмуни ҷумҳуриявии осорхонаҳо таҳти унвони «Оинаи таърих» баргузор гардид.
Мақсади озмун баланд бардоштани мақому манзалати осорхонаҳо дар ҷомеа, беҳтар намудани мундариҷа ва сифати фаъолияти онҳо дар шароити нави иҷтимоӣ-фарҳангӣ, ҷалб намудани таваҷҷуҳи аҳли ҷомеа ба мушкилоти соҳаи осорхонавӣ ва ба ин васила мусоидат дар ободонӣ, таҳкими заминаи моддӣ-техникӣ ва фароҳам овардани шароити мусоид барои шаҳрвандон дар осорхонаҳо буда, ҳадафи асосии он такмили шаклу услубҳо ва ба талаботи замони истиқлол мутобиқ гардонидани фаъолияти осорхонаҳои мамлакат ва шиносоии ҳарчи бештари шаҳрвандон бо мероси пурарзиши ниёгон мебошад.
Озмуни осорхонаҳо бо ташаббуси Вазорати фарҳанг ва иштироки фаъолонаи осорхонаҳои давлатӣ ва ғайридавлатӣ дар ду давр доир гардид.
Бояд гуфт, ки ғолибони даври ҷамъбастии озмуни «Оинаи таърих» аз ҷониби Вазорати фарҳанг бо мукофотҳои пулӣ, туҳфаҳо, диплому ифтихорномаҳо ва нишони сарисинагии «Аълочии фарҳанги Ҷумҳурии Тоҷикистон»  ва Ифтихорномаи Вазорати фарҳанги Ҷумҳурии Тоҷикистон қадрдонӣ карда шуданд.
Ба иттилои манбаъ, Шоҳҷоизаи озмун насиби Осорхонаи таърихии кишваршиносии шаҳри бостонии Ҳисор гардид.
Ҳамчунин ҷойи аввал ба Осорхонаи таърихии кишваршиносии «Авасто»-и шаҳри Қӯрғонтеппа, ду ҷойи дуюм ба осорхонаҳои ноҳияи Файзобод ва шаҳри  Истаравшан ва ҷойи сеюм ба Осорхонаи таърихиву кишваршиносии шаҳри  Конибодом дода шуд.
Ғолибони озмун инчунин бо мукофотпулӣ: Шоҳҷоиза- 2000 сомонӣ, ҷойи аввал- 1000 сомонӣ, ҷойи дуюм- 750 сомонӣ ва ҷойи сеюм 500 сомонӣ сарфароз гардонида шуданд.

Август 1, 2017 10:23

Хабарҳои дигари ин бахш

Дар Суғд барои омӯзгорони муассисаҳои таҳсилоти ибтидоии касбӣ машварати омӯзишӣ гузаронида шуд
ОГОҲӢ! Дар баъзе аз минтақаҳои Тоҷикистон чангу ғубор ба амал меояд
МегаФон Тоҷикистон: «Насиба Кенжаева аз ноҳияи Хуросон соҳиби Шоҳҷоизаи иқдоми «МегаМиллион» гардид»
Ҷаласаи минтақавии Кумитаҳои миллии ҳамоҳангсози содагардонии расмиёти савдои кишварҳои Осиёи Марказӣ доир гардид
Дар ноҳияи Спитамен беш аз 2000 нафар кӯдак ба таълиму тарбия фаро гирифта шудаанд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Орзуи миллионер шудан бо ZET-MOBILE воқеъист
Ба мактабҳои тоҷикии ноҳияи Шаҳрисабзи Узбекистон китобҳои бадеӣ тақдим гардид
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Дар Душанбе Консорсиуми сармоягузории «Area AI» ба имзо расид
ОМОДАГӢ БА ЗИМИСТОН. Кумитаи ҳолатҳои фавқулода ва мудофиаи граждании Тоҷикистон ба шаҳрвандон тавсияҳои муфид пешниҳод менамояд
Дар Суғд ҳашарҳои экологии «Тозагии маҳал», «Тозагии шоҳроҳ» ва «Тозагии соҳил» гузаронида шуданд