Паҳлавонони Тоҷикистон дар Чемпионати ҷаҳон оид ба дзюдо иштирок мекунанд

ДУШАНБЕ, 28.08.2017 /АМИТ «Ховар»/. Паҳлавонони  тоҷик дар Чемпионати ҷаҳон оид ба дзюдо, ки аз 28 август то 3 сентябр дар пойтахти Венгрия–шаҳри  Будапешт баргузор мешавад, ширкат мекунанд. Дар ин бора  сомонаи расмии Федератсияи байналмилалии дзюдо хабар медиҳад.

Дар ин мусобиқа иштироки тақрибан 800 варзишгар (484 мард ва 312 зан) аз 136 кишвар дар назар аст. Мусобиқаи номбурда ҳафт рӯз идома карда, варзишгарон барои 14 маҷмӯи медалҳо миёни мардону занон, инчунин барои як маҷмӯи ҷоизаҳо дар сабқати дастаҳои мунтахаби омехта мубориза мебаранд.

Ба ҳайати дастаи мунтахаби Тоҷикистон ҳашт варзишгар шомиланд, ки дар рақобатҳо миёни мардон иштирок мекунанд. Ҳайти дастаи Тоҷикистон дар Чемпионатьи ҷаҳон чунин аст:

-60 кило – Сӯҳроб Боқиев;

— 66 кило – Хушқадам Хусравов;

— 73 кило – Саидмухтор Расулов;

— 73 кило – Беҳрӯзи Хоҷазода;

— 81 кило – Садр Боев;

— 90 кило – Комроншоҳи Устопириён;

— 100 кило – Саидҷалол Саидов.

— 100 кило – Шакармамад Мирмамадов.