СОМОН МАҲМАДБЕКОВ ДАР МУСОБИҚА БАРОИ ҶОМИ АВРУПО СОҲИБИ МЕДАЛИ ТИЛЛО ГАРДИД!
ДУШАНБЕ, 21.08.2017. /АМИТ«Ховар»/. Паҳлавони ҷавони тоҷик Сомон Маҳмадбеков дар Мусобиқаи кушоди байналмилалӣ оид ба дзюдо барои Ҷоми Аврупо миёни навҷавонони то 21-сола, ки дар шаҳри Аради Руминия баргузор шуд, дар вазни 66 кило сазовори медали тилло гардид. Тавре аз Кумитаи миллии олимпии Тоҷикистон ба хабарнигори АМИТ «Ховар» иттилоъ доданд, Сомон дар рақобатҳо дар вазни -66 кило дар даври аввал озод буд. Пас аз ду пирӯзӣ бар варзишгарони Украина ва Германия Константин Ноткин ва Александр Габлер дар даври нимфиналӣ Каро Марандиянро аз Украина шикаст дод. Сомон дар қувваозмоии ниҳоӣ бар варзишгари дигари Украина Олег Овчаренко пирӯз шуда, соҳиби медали тилло гардид.
Дар ин мусобиқа 248 варзишгар (156 ҷавон ва 92 духтар) аз 33 кишвари дунё иштирок доштанд. Тоҷикистонро танҳо як нафар – Сомон Маҳмадбеков – намояндагӣ кард.
Ёдовар мешавем, ки Сомон Маҳмадбеков дар Мусобиқаи дигари байналмилалӣ барои Ҷоми Африқо миёни наврасон, ки 22-23 апрели соли равон дар Тунис баргузор шуд, низ медали тилло ба даст оварда буд. Ӯ дар рақобатҳо дар вазни -66 кило бар рақибонаш аз Алҷазоир, Беларус ва Тунис ғалаба кард.
Сомон Маҳмадбеков, варзишгари тоҷики муқими Россия феълан дар шаҳри Иркутск таҳти роҳбарии мураббиёнаш Эргаш ва Фотеҳ Маҳмадбековҳо тамрин менамояд. Ӯ дар мусобиқоти байналмилалӣ Тоҷикистонро намояндагӣ мекунад. Ба шарофати пирӯзии Сомон дар Ҷоми Аврупо дар Руминия парчами давлатии Тоҷикистон барафрохта, суруди миллии кишвар танинандоз гардид.
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
