Ваколатдори калони оперативии шуъбаи таҳлилии банақшагирии Вазорати корҳои дохилӣ барои бо мошин аз по афтонидани пиёдагард аз кор озод гардид
ДУШАНБЕ, 25.08.2017 /АМИТ «Ховар»/. Вазорати корҳои дохилии Ҷумҳурии Тоҷикистон хабар медиҳад, ки ваколатдори калони оперативии шуъбаи таҳлилии банақшагирӣ ва ҳамкории байналмилалии Раёсати мубориза бар зидди ҷиноятҳои муташаккили вазорат Парвиз Раҳимов, ки дар ҳолати мастӣ бо мошин пиёдагардро зер намуда, аз по афтонидааст, бо фармони Вазири корҳои дохилӣ аз сафи мақомоти корҳои дохилӣ озод карда шуд.
Тавре аз вазорат хабар доданд, 22 август, соати 21:30, мошини тамғаи «Опел-Астра», рақами давлатиаш 46-50 СН 01, таҳти идораи ваколатдори калони оперативии шуъбаи таҳлилии банақшагирӣ ва ҳамкории байналмилалии РМЗҶМ ВКД Ҷумҳурии Тоҷикистон, капитани милитсия Раҳимов Парвиз Раҳматович, соли таваллудаш 1986, дар ҳолати мастӣ ҳангоми ҳаракат аз кӯчаи С.Айнӣ ба самти кӯчаи Қаҳҳоров, дар ҳудуди кӯчаи С.Шерозии пойтахт пиёдагард Хисрав Маҳмадов, соли таваллудаш 1984, сокини ноҳияи Восеъро зада аз пой меафтонад. Дар натиҷа пиёдагард ҷароҳатҳои вазнини ҷисмонӣ бардошта, дар беморхона бистарӣ гардидааст.
Ба иттилои манбаъ, нисбат ба ҳодисаи мазкур аз ҷониби шуъбаи тафтишотии РВКД дар шаҳри Душанбе мавод тартиб дода шуда, аз рӯи тобеъият барои тадбирандешӣ ба Прокуратураи шаҳри Душанбе ирсол карда шуд. Ҳамчунин ваколатдори калони оперативии шуъбаи таҳлилии банақшагирӣ ва ҳамкории байналмилалии РМЗҶМ ВКД Ҷумҳурии Тоҷикистон, капитани милитсия Раҳимов Парвиз Раҳматович бо фармони Вазири корҳои дохилии Ҷумҳурии Тоҷикистон аз сафи мақомоти корҳои дохилӣ озод карда шуд.
Дар 86 муассисаи таҳсилоти миёнаи касбии Тоҷикистон аз рӯйи 344 номгӯйи ихтисос мутахассисон омода карда мешаванд
Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
