Чемпионати Осиё-2018: дастаи мунтахаби наврасони Уммон ба Душанбе омад

ДУШАНБЕ, 14.09.2017 /АМИТ «Ховар»/.  Дастаи мунтахаби наврасони то 16-солаи Уммон оид ба футбол барои иштирок дар марҳилаи интихобии чемпионати Осиё-2018, ки дар Тоҷикистон баргузор мегардад, 13 сентябр ба Душанбе омад.

Тавре аз маркази матбуоти Федератсияи футболи Тоҷикистон хабар доданд, дастаи мунтахаби Уммон ба нақша гирифтааст, ки дар шаҳри Душанбе марҳилаи омадагиашро гузаронад. Дар ин давра як бозии санҷишӣ бо ҳайати эҳтиётии «Истиқлол» доир хоҳад кард.

Ёдовар мешавем, ки бозиҳои марҳилаи интихобии чемпионати Осиё-2018 дар гурӯҳи «В» аз 20 то 24 сентябри соли равон дар Варзишгоҳи шаҳри Ҳисор баргузор мегарданд.

Дар сабқати интихобӣ рақибони Тоҷикистон дастаҳои мунтахаби наврасони Уммон, Сурия ва Молдив мебошанд.

Чемпионати Осиё-2018 байни наврасони то 16-сола
Марҳилаи интихобӣ. Гурӯҳи «В»

Даври 1
20 сентябр (чоршанбе)

16:00 – Уммон – Молдив
19:00 – Тоҷикистон – Сурия

Даври 2
22 сентябр (ҷумъа)

16:00 – Сурия – Уммон
19:00 – Молдив – Тоҷикистон

Даври 3
24 сентябр (якшанбе)

16:00 – Сурия – Молдив
19:00 – Уммон – Тоҷикистон