Дар шаҳри Норак омодагӣ ба давраи тирамоҳу зимистони солҳои 2017-2018 идома дорад

НОРАК, 15.09.2017 /АМИТ «Ховар»/. Мақомоти иҷроияи ҳокимияти давлатии шаҳри Норак дар асоси   қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ  барои фаъолияти мунтазам ва самарабахш дар давраи тирамоҳу зимистони солҳои 2017-2018» 4 маротиба ҷаласаи ситоди шаҳрӣ доир намуд.

Тавре аз шуъбаи иқтисодиёти мақомоти иҷроияи ҳокимияти давлатии шаҳри Норак ба мухбири АМИТ «Ховар» хабар доданд, то  имрӯз дар соҳаи маориф  304 адад  гармкунакҳои  барқӣ, 79 адад печҳои аловӣ, 16 адад  генераторҳо,  20 адад печҳои  бо ангишт  фаъолияткунанда  ва дар 8 муассисаҳои таълимӣ  печҳои  барқӣ- обӣ омода гардида, мувофиқи талабот  барои   муассисаҳои  таълимӣ  аз  964  м3   ҳезуми  пешбинигардида   318  м3 ҳезум захира карда шудааст.

Инчунин дар  муассисаҳои  соҳаи  тандурустии шаҳр  70 адад  гармкунакҳои  барқӣ, 13 адад  печҳои  аловӣ, 2 адад печҳои  дизелӣ (солярка)  ва 3 адад  генераторҳо  омода буда, 100 м3 ҳезум  ба маблағи 9000  сомонӣ ва  200  литр  сўзишвории дизелӣ захира  намудаанд.

Шуъбаҳои беморхона пурра шишабандӣ шудаанд.