Иҷрои тавсияҳои давлатҳои аъзои СММ оид ба ҳуқуқи инсон тибқи расмиёти Шарҳи универсалӣ барои солҳои 2017 – 2020
ДУШАНБЕ, 16.09.2017 /АМИТ «Ховар»/. 15 сентябри соли равон дар маркази маъмурии вилояти Суғд — шаҳри Хуҷанд дар мавзӯи «Иҷрои тавсияҳои давлатҳои аъзои Шӯрои Созмони Милали Муттаҳид оид ба ҳуқуқи инсон тибқи расмиёти Шарҳи универсалии даврӣ (даври дуюм) барои солҳои 2017 – 2020» семинари иттилоотӣ баргузор гардид. Дар он масъулини татбиқи қонунҳои Ҷумҳурии Тоҷикистон оид ба ҳуқуқи инсон, ҳамзамон намояндагони мақомоти иҷроияи маҳаллии ҳокимияти давлатӣ, раёсатҳои маорифу тандурустӣ ва сохторҳои ҳифзи ҳуқуқи вилоят ширкат варзиданд.
Дар семинар таъкид гардид, ки тибқи қонунгузорӣ вазифаҳои Ваколатдор оид ба ҳуқуқи инсон аз мусоидат намудан ба риояи ҳуқуқу озодиҳои инсон, барқарор намудани ҳуқуқу озодиҳои вайроншудаи онҳо, баланд бардоштани маърифати шаҳрвандон дар масъалаи ҳуқуқу озодиҳои шаҳрвандон иборат мебошад.
Ба иттилои Хадамоти матбуоти Раиси вилояти Суғд, дар ҷараёни семинар Ваколатдор оид ба ҳуқуқи инсон дар Ҷумҳурии Тоҷикистон Зариф Ализода дар мавзӯи «Уҳдадории байналмилалии Ҷумҳурии Тоҷикистон оид ба ҳуқуқи инсон. Ҷой ва нақши шарҳи универсалии даврӣ ва Шўро оид ба ҳуқуқи инсони СММ дар низоми уҳдадориҳои байналмилалии Ҷумҳурии Тоҷикистон», сардори Раёсати кафолатҳои ҳуқуқи инсони Дастгоҳи иҷроияи Президенти Ҷумҳурии Тоҷикистон Абдуҷаббор Сатторзода дар мавзӯи «Нақшаи миллии амалҳо оид ба Шарҳи универсалии даврӣ барои солҳои 2017 – 2020», сардори шуъбаи Прокуратураи генералии Ҷумҳурии Тоҷикистон Шамс Нурализода роҷеъ ба масъалаи «Тавсияҳои давлатҳои аъзои Шўрои Созмони Милали Муттаҳид оид ба ҳуқуқи инсон тибқи расмиёти Шарҳи универсалии даврии Тоҷикистон барои солҳои 2017 – 2020» ва дигарон маърӯза намуданд.
Дар Кумитаи телевизион ва радио бахшида ба 30-солагии таъсиси Ҳизби Халқии Демократии Тоҷикистон ҳамоиш доир шуд
Ду сокини ноҳияи Ёвон барои риоя накардани қонуни танзим ҷарима карда шуданд
Дар Беморхонаи марказии шаҳри Кӯлоб хизматрасонии тиббӣ беҳтар мешавад
«ПЕШВОИ МАН-ИФТИХОРИ МАН». Дар Душанбе байни кӯдакони ятиму бепарастор озмун оғоз гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ҳунармандони Мастчоҳ соҳиби грантҳои раиси ноҳия шуданд
«НАҚШИ ҶАВОНОН ДАР ДАВРОНИ СОҲИБИСТИҚЛОЛӢ -ДАСТОВАРД ВА ДУРНАМО». Дар Душанбе ҳамоиши кормандони ҷавони соҳаи роҳи оҳан доир шуд
«МО НАКУНЕМ, КӢ МЕКУНАД?». Дар Душанбе бо иштироки волонтёрон аксияи зимистона баргузор гардид
Дар Академияи миллии илмҳои Тоҷикистон бахшида ба 30-солагии Ҳизби Халқии Демократии Тоҷикистон конференсия доир шуд
Дар Майотта бар асари тӯфони Чидо беш аз 20 нафар ҳалок гардид
Сардии ҳавои Бадахшон сабаби ҷорӣ шудани маҳдудият дар интиқоли муътадили неруи барқ гардид
Донишҷӯёни Донишгоҳи техникии Тоҷикистон дар Намоиш-озмуни «Меъмор-2024» соҳиби ҷойҳои намоён гардиданд
