Неруи занон аз ҳисоби кормандони ҳифзи ҳуқуқ баланд бардошта мешавад
ДУШАНБЕ, 27.09.2017 /АМИТ «Ховар»/. Имрӯз дар Хадамоти гумруки назди Ҳукумати Ҷумҳурии Тоҷикистон доир ба татбиқи «Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022» семинар баргузор гардид.
Тавре хабарнигори АМИТ «Ховар» иттилоъ медиҳад, дар семинар намояндагони Кумитаи кор бо занон ва оилаи назди Ҳукумати Ҷумҳурии Тоҷикистон, занону бонувони Хадамоти гумрук ва рӯзноманигорон ширкат варзиданд.
Ҳадафи семинар баланд бардоштани неруи занон аз ҳисоби хизматчиёни мақомоти ҳифзи ҳуқуқ арзёбӣ гардид.
Мадина Бобоева, сармутахассиси шуъбаи ташкилии Кумитаи кор бо занон ва оилаи назди Ҳукумати Ҷумҳурии Тоҷикистон дар мавриди баланд бардоштани нақши занон дар ҷомеа гуфт, ки «имрўз бонувон дар соҳаҳои маориф, тандурустӣ ва дигар бахшҳои иҷтимоӣ қисми зиёди кормандонро ташкил карда, аз шумораи умумии хизматчиёни давлатӣ 23 фоизро занон ташкил медиҳанд. Ҳоло зарурат ба миён омадааст, ки дар муассисаҳои низоми бонкӣ, хадамоти алоқа, гумрук, шуғл ва дигар бахшҳои хизматрасонӣ бештар занону духтарон ба кор ҷалб карда шаванд».
Дарвоқеъ, ин нукта дар Паёми Президенти Ҷумҳурии Тоҷикистон ба Маҷлиси Олии ҶТ аз 22 декабри соли 2016 зикр гардида буд. Ин аз он шаҳодат медиҳад, ки Пешвои миллат занону духтаронро ҳамеша дастгирӣ намуда, ба садоқат ва фаъолияти босамари онҳо боварӣ доранд.
ЯРМАРКАИ ФУРӮШИ ЛИБОСИ МАКТАБӢ. Корхонаҳои маҳаллии шаҳри Хоруғ либосҳои мактабиро пешниҳоди мизоҷон мегардонанд
1 август дар Вазорати саноат ва технологияҳои нав, Академияи миллии илмҳо ва Суди Олии иқтисодӣ нишасти матбуотӣ баргузор мешавад
Бар асари фаромадани ярч дар ҷануби Ҳиндустон қариб 100 нафар ба ҳалокат расид
Маърифати ҳуқуқӣ меҳвари таҳкими давлати ҳуқуқбунёд аст
Имрӯз дар Тоҷикистон ҳаво то 40 дараҷа гарм мешавад
Хиёбони Шириншоҳ Шоҳтемури шаҳри Хоруғ чароғон карда шуд
Пагоҳ дар Кумитаи ҳолатҳои фавқулода ва мудофиаи гражданӣ, Агентии суғуртаи иҷтимоӣ ва нафақа, Хадамоти иҷро, Хадамоти зиддиинҳисорӣ ва Маркази тадқиқоти стратегӣ нишасти матбуотӣ баргузор мешавад
ЯКДИЛ БИШАВЕМУ МУЛК ОБОД КУНЕМ. Дар Ҳисор озмуни «Чеҳраи муваффақи диёр» доир мегардад
«Хуш омадед»: SuperApp-ро биомӯз ва соҳиби туҳфаҳо шав!
Имрӯз дар шаҳри Душанбе ҳаво то 41 дараҷа гарм мешавад
