ОБУ ҲАВО: тафси ҳавои фасли тирамоҳ коҳиш меёбад
ДУШАНБЕ, 14.09.2017 /АМИТ «Ховар»/. Ба иттилои мутахассисони Агентии обуҳавошиносии Тоҷикистон, то 17 сентябр вазъи ҳаво дар кишвар тағйирёбандаи абрнок боқӣ монда, дар баъзе ноҳияҳо боридани боронҳои кӯтоҳмуддат пешгӯӣ мешавад. Ҳарорати ҳаво дар шимолу шарқи ҷумҳурӣ номуътадил гашта, пастшавии ҳарорат дар ин мавзеъҳо дар назар дошта шудааст. Дар ин бора ба АМИТ «Ховар» аз ин Агентӣ хабар доданд.
Бино ба иттилои Агентии обуҳавошиносӣ, 14 сентябр дар ноҳияҳои ҷануби кишвар ҳавои тағйирёбанда пешгӯӣ шуда, дар бештари ноҳияҳо ҳарорат рӯзона ба 36 дараҷа мерасад. Ҳаво дар шимоли кишвар тағйирёбандаи абрнок гашта, гармӣ дар водиҳо нисбат ба рӯзҳои қаблӣ 2 дараҷа паст гардида, ҳарорат рӯзона ба 34 ва дар ноҳияҳои кӯҳӣ ба 24 дараҷа хоҳад расид.
Обуҳавошиносони кишвар барои сокинони Вилояти Мухтори Кӯҳистони Бадахшон пастшавии ҳарорат ва ҳавои абрноки борониро пешгӯӣ мекунанд. Дар ғарби вилоят ҳарорати 24-29 дараҷа ва дар шарқи он ҳавои тағйирёбанда ва пастшавии ҳарорати ҳаво дар назар дошта шудааст, ки то ба 16 дараҷа мерасад.
Дар ноҳияҳои тобеи марказ обуҳавошиносон ҳавои абрнок ва беборишро пешгӯӣ мекунанд. Дар водиҳо ҳарорат рӯзона ба 36 дараҷа мерасад.
Ҳарорати ҳаво сокинони пойтахти кишвар — шаҳри Душанберо, ки чанд муддатест интизори боридани борон ва пастшавии ҳароратанд, чандон хушҳол намекунад. Зеро вазъи ҳаво, ба иттилои мутахассисони Агентии обуҳавошиносӣ, чанд муддати дигар тағйирёбандаи бебориш боқӣ монда, ҳарорати ҳаво барои имрӯз 35 дараҷа пешбнӣ гардидааст.
Китобҳои «Президент, истиқлол, ваҳдат, маориф» ва «Муаррифгари миллати тоҷик» ба табъ расиданд
Кормандони Мақомоти иҷроияи ҳокимияти давлатии ноҳияи Шоҳмансур суханронии Президенти Тоҷикистонро бахшида ба Рӯзи Дониш дастҷамъона тамошо намуданд
«БО АТЛАСУ АДРАСУ ЧАКАН ЯКТОӢ». Либоси миллӣ байни тӯфонҳои шадиди ҳазорсолаҳо ба ин покӣ ҳифз гардид
Бахшида ба Рӯзи дониш дар Донишгоҳи давлатии Бохтар ҷамъомади тантанавӣ доир шуд
Дар роҳи Душанбе-Кӯлоб-Хоруғ-Кулма сохтмони долони зиддитармавӣ ва пули мошингузар босуръат идома дорад
Имрӯз дар шаҳри Душанбе ҳаво то 35 дараҷа гарм мешавад
Ба 80 хонандаи ниёзманди ноҳияи Айнӣ либоси мактабӣ тақдим гардид
«БЕҲТАРИН ШАХСИ ҲУҚУҚДОН». Таҳти чунин унвон дар ноҳияи Фирдавсии пойтахт озмун доир мегардад
Дар Душанбе ҷаласаи IX Шурои байнидавлатии муқовимат ба коррупсия доир мегардад
Дар Маркази мероси хаттӣ бахшида ба Истиқлоли давлатӣ ҳамоиши илмӣ баргузор шуд
Имрӯз дар ноҳияҳои кӯҳии Тоҷикистон ҳаво то 32 дараҷа гарм мешавад
СОЛИ МАЪРИФАТИ ҲУҚУҚӢ. Барои расидан ба саодати миллӣ бояд меъёрҳои қонунҳо риоя гардад
