Шумораи медалҳои варзишгарони тоҷик дар 5-умин Бозиҳои Осиё дар Ашқобод ба 14 адад расид
ДУШАНБЕ, 20.09.2017. /АМИТ «Ховар»/. Варзишгарони тоҷик дар рӯзи чоруми 5-умин Бозиҳои Осиё дар иншооти пӯшида ва ҳунарҳои размӣ оид ба намудҳои варзиши сабук, муай тай, гӯштини камарбандӣ, ҷиу-ҷитсу ва таэквондо сабқат карда, соҳиби се медали биринҷӣ гардиданд. Дар ин бора аз Кумитаи миллии олимпии Тоҷикистон ба АМИТ «Ховар» хабар доданд.
Ҳар се медалро варзишгарони аз намуди гӯштини камарбандӣ (тарзи озод) ба даст оварданд: Оятулло Хоҷаев дар вазни -55 кг, Ибодулло Алибердизода дар вазни -60 кг ва Эркинбек Абдунабиев дар вазни -65 кг бар ҳарифонашон ғолиб омаданд.
Бояд зикр кард, ки варзишгардухтари маъруфи тоҷикистонӣ Кристина Пронженко, ки аз намуди варзиши сабук- давидан ба масофаи 400 метр ба финал баромада буд, сазовори ҷои шашум шуд.
Дар намуди таэквондо WTF варзишгардухтари дигари тоҷик Моҳру Ҳалимова дар вазни -73 кг миёни бонувон аз варзишгари Ҷумҳурии Корея Мина Мйонг, ки медали тиллои бозиҳоро сазовор шуд, мағлуб гашт.
Давлатмурод Каримов дар вазни -63 кг миёни мардон дар ду ҳарб бар варзишгарони Непал (Баҳодур Маҳара) ва Қазоқистон (Қозибек Бахтиёрулу) пирӯз шуда, дар даври ҳаштякфинал аз варзишгари Ветнам Ван Дуй Нгуйен шикаст хӯрд.
Ёдовар мешавем, ки Ҷумҳурии Тоҷикистон дар чор рӯз сазовори 14 медал- 1 медали нуқра ва 13 биринҷӣ гардида, миёни 65 дастаи иштирокчӣ дар мақоми 22 қарор дорад.
Туркманистон бо 89 медал (43 тилло, 28 нуқра ва 18 биринҷӣ дар ҷои аввал аст. Ҷумҳурии Исломии Эрон, ки 26 медал (7 тилло, 4 нуқра, 15 биринҷӣ) дорад, дар ҷои дуюм мебошад. Қазоқистон бо 22 медал (6 тилло, 6 нуқра ва 10 биринҷӣ) дар мақоми сеюм қарор дорад.
Умуман то имрӯз варзишгарони 26 давлат соҳиби медал гардидаанд.
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
