Вазирони корҳои дохилии давлатҳои узви Интерпол барои мубориза бо таҳдиду хатарҳои замони муосир изҳори омодагӣ карданд
ДУШАНБЕ, 27.09.2017 /АМИТ «Ховар»/. Имрӯз дар раванди баргузории 86-умин Ассамблеяи генералии Интерпол, ки дар шаҳри Пекини Ҷумҳурии Мардумии Чин идома дорад, вохӯрии Вазири корҳои дохилии Ҷумҳурии Тоҷикистон Рамазон Раҳимзода бо муовини Вазири корҳои дохилии Туркия Мехмет Эрсой ва муовини Вазири умури дохилии Афғонистон Мурод Алӣ Мурод баргузор гардид.
Тавре аз Вазорати корҳои дохилии Ҷумҳурии Тоҷикистон хабар доданд, дар ҷараёни вохӯрӣ масоили ҳамкорӣ дар самти мубориза бо ҳама гуна ҷинояту ҷинояткорӣ ва қонуншиканиҳо мавриди баррасӣ қарор гирифта, ҷонибҳо барои рушди ҳамкории муштарак изҳори омодагӣ намуданд.
Зимни вохӯрӣ бо ҳайати Ҷумҳурии Исломии Афғонистон таҳти роҳбарии муовини Вазири умури дохилии ин кишвар генерал Мурод Алӣ Мурод зикр гардид, ки мардуми Тоҷикистон бо Афғонистон забону фарҳанги муштарак дошта, дар ҳамсоягию ҳамҷаворӣ тӯли қарнҳо бо ҳам муносибату равобити дӯстона доранд. Ин ҳамкорӣ дар заминаи санадҳои ба имзорасидаи дуҷониба боз ҳам тақвият ёфта, дар мубориза бо таҳдиду хатарҳои замони муосир мусоидат менамоянд. Дар ин раванд ҷонибҳо зарур шумориданд, ки мубодилаи иттилоот ва табодули таҷриба байни мақомоти корҳои дохилии ду кишвар самаранок ба роҳ монда шавад.
Ҳамчунин дар ҷараёни мулоқоти Рамазон Раҳимзода бо муовини Вазири корҳои дохилии Туркия Мехмет Эрсой ҷонибҳо зикр карданд, ки вазоратҳои корҳои дохилии Тоҷикистон ва Туркия дар ҳамкории зич қарор дошта, онро дар самтҳои мухталиф пайваста инкишоф медиҳанд.
Дар ҷараёни вохӯрӣ тарафҳо оид ба ҳамкории судманди ду мақомот ҷиҳати кофтукови шахсони дар ҷустуҷӯ қарордошта, дастгир ва истирдоди ҷинояткорони дар кофтукови байналмилалии «Интерпол» буда ва тақвият додани мубодилаи иттилооти фаврӣ табодули афкор намуданд. Зикр гардид, ки дар мубориза бо ҷиноятҳои фаромиллӣ, аз қабили терроризм, экстремизм ва дигар ҷиноятҳои муташаккил ҳамкории ду мақомот дар сатҳи баланд ба роҳ монда шудааст. Ҷонибҳо ҳамчунин барои мубориза бо таҳдиду хатарҳои замони муосир изҳори омодагӣ карданд.
Ёдовар мешавем, ки 86-умин Ассамблеяи генералии Интерпол бо иштироки вазирони корҳои дохилии давлатҳои узви Ташкилоти Байналмилалии Полиси ҷиноятӣ — Интерпол 26 сентябр дар шаҳри Пекин оғоз ёфт ва то 29 сентябр идома меёбад.
Дар Кумитаи телевизион ва радио бахшида ба 30-солагии таъсиси Ҳизби Халқии Демократии Тоҷикистон ҳамоиш доир шуд
Ду сокини ноҳияи Ёвон барои риоя накардани қонуни танзим ҷарима карда шуданд
Дар Беморхонаи марказии шаҳри Кӯлоб хизматрасонии тиббӣ беҳтар мешавад
«ПЕШВОИ МАН-ИФТИХОРИ МАН». Дар Душанбе байни кӯдакони ятиму бепарастор озмун оғоз гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ҳунармандони Мастчоҳ соҳиби грантҳои раиси ноҳия шуданд
«НАҚШИ ҶАВОНОН ДАР ДАВРОНИ СОҲИБИСТИҚЛОЛӢ -ДАСТОВАРД ВА ДУРНАМО». Дар Душанбе ҳамоиши кормандони ҷавони соҳаи роҳи оҳан доир шуд
«МО НАКУНЕМ, КӢ МЕКУНАД?». Дар Душанбе бо иштироки волонтёрон аксияи зимистона баргузор гардид
Дар Академияи миллии илмҳои Тоҷикистон бахшида ба 30-солагии Ҳизби Халқии Демократии Тоҷикистон конференсия доир шуд
Дар Майотта бар асари тӯфони Чидо беш аз 20 нафар ҳалок гардид
Сардии ҳавои Бадахшон сабаби ҷорӣ шудани маҳдудият дар интиқоли муътадили неруи барқ гардид
Донишҷӯёни Донишгоҳи техникии Тоҷикистон дар Намоиш-озмуни «Меъмор-2024» соҳиби ҷойҳои намоён гардиданд
