Аз муомилоти ғайриқонунӣ тахминан 14 кг маводи нашъаовар мусодира гардид
ДУШАНБЕ, 19.10.2017 /АМИТ «Ховар»/. Кормандони Агентии назорати маводи нашъаовари назди Президенти Ҷумҳурии Тоҷикистон дар натиҷаи гузаронидани ду амалиёт аз муомилоти ғайриқонунӣ тахминан 14 кг маводи нашъаовар мусодира намуданд.
Тавре ба АМИТ «Ховар» аз Агентии мазкур хабар доданд, 15 октябр аз ҷониби кормандони Раёсати Агентӣ дар ВМКБ дар якҷоягӣ бо хизматчиёни ҳарбии Қӯшунҳои сарҳадии КДАМ ҶТ дар минтақаи наздисарҳадии Майдонаки ҷамоати деҳоти Поршневи ноҳияи Шуғнон шаҳрванди 30-солаи Ҷумҳурии Исломии Афғонистон Зоҳир валади Паҳлавон дастгир гардид.
Номбурда аз камераи мошин истифода бурда, сарҳади давлатиро ғайриқонунӣ убур намуд ва ба қаламрави Тоҷикистон ба тариқи қочоқ маводи нашъаовар интиқол дод. Дар натиҷаи кофтуков аз ӯ маводи навъи ҳашиш бо вазни 9 кг 215 грамм мусодира шуд. Аз рӯи ҳодисаи мазкур парвандаи ҷиноятӣ бо моддаҳои 335, 289 ва 200 Кодекси ҷиноятии Ҷумҳурии Тоҷикистон оғоз гардидааст.
Инчунин аз тарафи кормандони Агентӣ дар назди истгоҳи автомобилии Душанбе-Турсунзода шаҳрванди Тоҷикистон дастгир гардид ва аз борхалтаи варзишии ӯ 4 кг 775 грамм маводи ҳашиш дарёфт шуд.
Зимни тафтиши пешакӣ аз рӯи нишондоди дастгиршуда ҳаммаслаки ӯ дастгир гардид. Муайян карда шуд, ки ҳар ду донишҷӯёни мактабҳои олии Тоҷикистон мебошанд ва маводи нашъадорро аз шаҳрванди Афғонистон барои ба фурӯш баровардан харидорӣ намудаанд.
Аз рӯи ҳодисаи мазкур парвандаи ҷиноӣ оғоз гардида, тафтишот давом дорад.
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
