ДАЛЕРӢ КУН, КИ МАЙДОН АЗ ДАЛЕР АСТ… То оғози Мусобиқаи байналмилалӣ оид ба дзюдо барои дарёфти Ҷоми Президенти Тоҷикистонро ду рӯз монд
ДУШАНБЕ, 03.10.2017 /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи дзюдои Тоҷикистон 5 октябри соли равон дар шаҳри Ваҳдат панҷумин Мусобиқаи байналмилалӣ оид ба дзюдо барои дарёфти Ҷоми Президенти Ҷумҳурии Тоҷикистон баргузор мегардад.
Масъулини шаҳри Ваҳдат барои дар сатҳи баланд баргузор намудани панҷумин Мусобиқаи байналмилалӣ оид ба дзюдо варзишгоҳи навбунёди шаҳр ва толорҳои варзишии онро омода намуда, атрофи варзишгоҳро бо шиору овезаҳои таблиғотӣ оро додаанд. Дар ин мусобиқаи байналмилалӣ 20 нафар варзишгарони номдори ҷумҳурӣ қувваозмоӣ мекунанд.
Дар назар аст, ки дар мусобиқа варзишгарони маъруфи тоҷик Комроншоҳи Устопириён ва Саидҷалол Саидов иштирок намоянд. Дар мусобиқаи байналмилалӣ оид ба дзюдо иштироки варзишгарон аз 15 кишвари дунё дар назар дошта шудааст.
Бояд зикр кард, ки Мусобиқаи байналмилалӣ оид ба дзюдо барои дарёфти «Ҷоми Президенти Ҷумҳурии Тоҷикистон» аз соли 2013 инҷониб дар ҷумҳурӣ доир мешавад. Се мусобиқаи аввали он дар шаҳри Душанбе доир гардида буд. Имсол бори дуюм аст, ки дар шаҳри Ваҳдат чунин мусобиқа баргузор мегардад.
Ҷоизаи Мусобиқаи байналмилалӣ оид ба дзюдо барои дарёфти «Ҷоми Президенти Ҷумҳурии Тоҷикистон» 15 ҳазор доллари ИМА-ро ташкил намуда, барои ҷои аввал 7 ҳазор доллар, зинаи дуюм 4 ва барои 2 ҷои сеюм 2 ҳазор доллари ИМА мукофот муайян карда шудааст.
Ёдовар мешавем, ки Мусобиқаи Ҷоми Президенти Ҷумҳурии Тоҷикистон оид ба дзюдо соли гузашта низ дар шаҳри Ваҳдат доир шуда, Ҷом насиби варзишгари Беларус Станислав Бондаренко шуда буд. Ҷойи дуюмро Гарсия Мендоз, варзишгар аз Куба ва ду ҷойи сеюмро варзишгарони ӯзбекистонӣ — Муҳсин Исомиддинов ва Абдулло Тангриев соҳиб гаштанд.
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
