Дар деҳаи дурдасти Вранги Ишкошим барои кормандони шуъбаи милитсияи деҳот бинои сеошёна ба истифода шуд

Октябрь 10, 2017 11:05

ХОРУҒ, 10.10.2017 /АМИТ «Ховар»/. Дар деҳаи Вранги ноҳияи Ишкошим бинои нави сеошёнаи шуъбаи милитсияи деҳот мавриди баҳрабардорӣ қарор дода шуд. Дар ифтитоҳи бинои замонавӣ раиси Вилояти Мухтори Кӯҳистони Бадахшон Шодихон Ҷамшед, муовини аввали Вазири корҳои дохилии Ҷумҳурии Тоҷикистон Абдураҳмон Аламшозода ва муовини раиси Кумитаи давлатии амнияти миллии Ҷумҳурии Тоҷикистон Нусратулло Мирзоев ширкат варзиданд.

Абдураҳмон Аламшозода зимни ифтитоҳ изҳор дошт, ки сохтмони бино  бо ҳидояти бевоситаи Пешвои миллат соли гузашта оғоз ёфта, дар муҳлати кӯтоҳ ба истифода дода шуд. Бино барои кормандони шуъбаи милитсияи деҳот пешбинӣ шуда, дорои ҳама гуна шароити техникию маишӣ мебошад.

милитсия 3 копияҶараёни сохтмонро Вазири корҳои дохилии ҷумҳурӣ Рамазон Раҳимзода таҳти назорат гирифт ва тамоми маҳсулоти зарурии сохтмонӣ аз маркази кишвар ба ин деҳаи дурафтода бе таъхир интиқол меёфт.  Бино аз се ошёна иборат буда, дар дохили он утоқҳои барҳавои корӣ, маҷлисгоҳ ва ошхонаву ҳуҷраи истироҳат мавҷуданд. Зимни боздиди бино раиси вилоят ва раҳбарони ниҳодҳои амниятию интизомӣ ба сифати кори бинокорон баҳои баланд дода,   ба кормандони шуъбаи милитсияи деҳот барори кор хостанд.  Аз онҳо тақозо шуд, ки дар риояи тартиботи ҷамъиятӣ саҳми софдилонаи худро гузоранд ва дар шарҳу тавзеҳи қонунҳои Ҷумҳурии Тоҷикистон ва ҳуқуқу уҳдадориҳояшон ба сокинони маҳаллӣ кумаки  худро расонанд.

Азбаски деҳаи мазкур аз маркази ноҳия ва вилоят хеле дур ҷойгир аст, иддае аз оилаҳои камбизоат дар таҳияи асноду ҳуҷҷатҳои зарурӣ бо мушкил рӯ ба рӯ мегарданд. Аз ин рӯ яке аз вазифаҳои кормандони шуъбаи мазкур дастгирӣ намудани ин қишри ҷомеа мебошад.

Октябрь 10, 2017 11:05

Хабарҳои дигари ин бахш

Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид
Дар палатаи поёнии Парлумони Тоҷикистон бо ҳайати Ҷумҳурии Мардумии Чин мулоқот доир шуд
Дар Тоҷикистон беш аз 1,9 миллион либоси мактабӣ истеҳсол карда шудааст
ОМОДАГӢ БА СОЛИ НАВИ ТАҲСИЛ. Дар Гулистон давраи мутобиқшавии хонандагони синфи якум идома дорад
Имрӯз дар водиҳои Тоҷикистон ҳаво то 39 дараҷа гарм мешавад
Дар Ҳисор ба кӯдакону наврасони ятим либоси мактабӣ ва ашёи хониш тақдим гардид
Имрӯз дар шаҳри Душанбе ҳаво то 37 дараҷа гарм мешавад