Дастаи мунтахаби футзали Тоҷикистон ба бозиҳои финалии Чемпионати Осиё -2018 роҳхат гирифт
ДУШАНБЕ, 17.10.2017 /АМИТ «Ховар»/. Дастаи мунтахаби футзали Тоҷикистон, ки дар шаҳри Табрези Ҷумҳурии Исломии Эрон дар мусобиқаи интихобии футзали Осиё дар минтақаи марказӣ ва ҷанубӣ дар гурӯҳи «В» иштирок дорад, ба бозиҳои финалии Чемпионати Осиё -2018 роҳхат гирифт. Футболбозони мо баъди ғалабаи ниҳоят душвор бо натиҷаи 4:3 бар дастаи мунтахаби Афғонистон ба ин комёбӣ мушарраф шуданд.
Ҳисоб дар дақиқаи 3-юми вохӯрӣ кушода шуд. Зарбаи сахти Файзалӣ Сардоровро муҳофизатгари афғонҳо Акбар Козимӣ нодуруст баргардонд ва тӯб вориди дарвоза гардид. Дар дақиқаи 9-ум футболбозони афғон ҳисобро баробар карданд. Дар навбати худ Шавкат Ҳалимов боз як ҳуҷуми барқвори футзалистони тоҷикро бобарор анҷом дод ва дар намолавҳаи варзишгоҳ ҳисоби 2:1 фурӯзон гардид. Дар дақиқаи 14-ум Муҳсин Ризоӣ аз нав ба бозӣ тавозуни баробарӣ гузошт ва дастаҳо ба танаффус рафтанд.
Дар нимаи дуюми вохӯрӣ баъди он ки капитани дастаи мунтахаби Афғонистон Маҳдӣ Ҳошимӣ дар муқобили ҳамлагари мо Файзалӣ Сардоров дағалона бозӣ кард, довари хитоӣ Лиу Ҷианқиао бо корти дуюми зард ӯро аз майдон ронд, вале бозингарони мо ин ду дақиқаро боманфиат истифода набурданд. Дар дақиқаи 39-ум ва 40-ум ба Дилшод Саломов ва Некрӯз Алимаҳмадов муяссар гардид, ки ҳисобро 4:2 намоянд. Голи дар лаҳзаҳои охири бозӣ задаи Алӣ Ҷаъфарӣ танҳо натиҷаро дигар кард. Дастаи мунтахаби Тоҷикистон новобаста ба натиҷаи бозии охирини гурӯҳ бо чемпиони Осиё- дастаи мунтахаби Эрон, ки имрӯз баргузор мегардад, ба бозиҳои финалии Чемпионати Осиё оид ба футзал, ки соли оянда дар Тайбейи Хитой баргузор мегардад, роҳхат гирифт.
Ёдовар мешавем, ки дастаи мунтахаби Эрон дар бозии ифтитоҳии гурӯҳи «В» дастаи мунтахаби Афғонистонро бо ҳисоби 8:2 шикаст дода, ҳуқуқи иштирок дар бозиҳои финалиро ба даст оварда буд.
Дар гурӯҳи «А»-и бозиҳои минтақаи марказӣ ва ҷанубӣ дастаҳои мунтахаби Ӯзбекистон ва Қирғизистон низ ба бозиҳои финалӣ роҳхат гирифтанд.
Чемпионати Осиё-2018 оид ба футзал
Марҳилаи интихобӣ. Минтақаи марказӣ ва ҷанубӣ
Гурӯҳи «В». Даври 1-ум
Афғонистон – Эрон – 2:8
Даври 2-юм
ТОҶИКИСТОН – Афғонистон 4:3
17 октябр: Эрон – Тоҷикистон
ГУРӮҲИ B
| ДАСТАҲО | Б | Ғ | М | Б | Т/т | И |
| ЭРОН | 1 | 1 | 0 | 0 | 8-2 | 3 |
| ТОҶИКИСТОН | 1 | 1 | 0 | 0 | 4-3 | 3 |
| АФҒОНИСТОН | 2 | 0 | 0 | 2 | 5-12 | 0 |
Гурӯҳи «А». Даври 1-ум
Ӯзбекистон – Непал 14:1
Қирғизистон – Туркманистон 5:3
Даври 2
Туркманистон – Ӯзбекистон 2:4
Непал – Қирғизистон 0:5
17 октябр: Ӯзбекистон- Қирғизистон
Туркманистон – Непал
Гурӯҳи A
| ДАСТАҲО | Б | Ғ | М | Б | Т/т | И |
| Ӯзбекистон | 2 | 2 | 0 | 0 | 18-3 | 6 |
| Қирғизистон | 2 | 2 | 0 | 0 | 10-3 | 6 |
| Туркманистон | 2 | 0 | 0 | 2 | 5-9 | 0 |
| Непал | 2 | 0 | 0 | 2 | 1-19 | 0 |
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
