ФУТБОЛ: ҷоизадорони Лигаи олӣ муайян шуданд

Октябрь 24, 2017 09:52

ДУШАНБЕ, 24.10.2017 /АМИТ «Ховар»/.  Пас аз натиҷагирии се бозии даври 21-уми   Чемпионати Тоҷикистон   миёни дастаҳои лигаи олӣ, ки ба поён расид,  дастаҳои гирандаи медалҳои нуқраву биринҷӣ  маълум шуданд.         Тавре аз Федератсияи футболи Тоҷикистон ба  хабарнигори  АМИТ «Ховар» иттилоъ доданд,  дастаи  футболи «Хуҷанд»-и шаҳри Хуҷанд, ки бозиро дар майдони худ бо  дастаи  «Вахш»-и Қӯрғонтеппа бо ҳисоби 1:1 анҷом дод, бо 37 хол дар ҷадвали мусобиқот мақоми дуюмро касб кард. Футболбозони  дастаи  «Хуҷанд» таҳти раҳбарии сармураббӣ Рустам Хоҷаев сарфи назар аз натиҷаи бозии охиринашон бо медалҳои нуқра мукофотонида мешаванд.

Дастаи КМВА «Помир»-и Душанбе низ рақобаташро дар майдони худ бо дастаи футболи  «Регар-ТадАЗ»-и шаҳри Турсунзода бо ҳисоби 1:1 анҷом дод.

Бояд зикр кард, ки  дастаи футболи  КМВА «Помир»-и Душанбе  баъди ин мусовӣ 34 имтиёз гирифта, сазовори нишони биринҷии Лигаи олии мамлакат гардид.

Дастаи  футболи  «Истиқлол»-и Душанбе, ки  пешакӣ унвони Чемпиони Тоҷикистонро соҳиб шудааст, шашумин бор аст бо медалҳои тилло мукофотонида мешавад.

 

Октябрь 24, 2017 09:52

Хабарҳои дигари ин бахш

ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд