«Ҳимояи Ватан — рисолати мост!»-маъракаи гусели наваскарон дар шаҳри Панҷакент
ПАНҶАКЕНТ, 04.10.2017 /АМИТ «Ховар»/. Имрӯз дар шаҳри Панҷакент бо мақсади иҷрои Фармони Президенти Ҷумҳурии Тоҷикистон «Дар бораи даъвати навбатии шаҳрвандони солҳои таваллуди 1990-1999 Ҷумҳурии Тоҷикистон ба хизмати ҳарбӣ» иқдоми «Ҳимояи Ватан- рисолати мост!» амалӣ гардида, маросими сафарбарнамоии аввалини наваскарон доир шуд. Дар ин бора ба АМИТ «Ховар» мудири бахши кор бо ҷавонон ва варзиши шаҳри Панҷакент Некрӯзи Муҳаммадсодиқ хабар дод.
Ба иттилои номбурда, маросими гусели наваскарон ба сафи Қувваҳои мусаллаҳи Ҷумҳурии Тоҷикистон бо шукӯҳу шаҳомати хосса таҷлил гардид. Дар он раиси шаҳри Панҷакент Ислом Зиёзода, муовинони раиси шаҳр, роҳбарони мақомоти ҳифзи ҳуқуқ, роҳбарони ташкилоту корхонаҳо, сарварони муассисаҳои таълимӣ, ҷавонону наврасон ва падарону модарон иштирок намуданд.
Зимни ҳамоиш Ислом Зиёзода иброз дошт, ки хизмат дар сафи Қувваҳои мусаллаҳ қарзи ҳар як ҷавонмарди тоҷик мебошад. Мавсуф аз наваскарон даъват намуд, ки зимни хизмат ҳар порча замини Тоҷикистонро ҳимоя намуда, ба назди волидонашон бо сари баланд баргарданд.
Волидайни наваскарон барои хизмати шоиста кардан ба Ватан ба фарзандонашон роҳи сафед хостанд. Дар охир ба сарбозон ва волидайни онҳо сипоснома ва туҳфаҳои хотиравӣ супорида шуданд.
Маросими сафарбарнамоӣ бо намоиши барномаи фарҳангӣ баҳри сарбозону наваскарон хотима ёфт.
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
Дар Академияи миллии илмҳои Тоҷикистон бахшида ба солгарди таъсиси Ҳизби Халқии Демократии Тоҷикистон ҳамоиши илмӣ баргузор гардид
Дар Хадамоти алоқа ба муносибати Рӯзи ҳуқуқи инсон ҳамоиш доир шуд
