НБО «Норак» барои кори муътадил ва устувор дар мавсими тирамоҳу зимистони солҳои 2017-2018 омода мешавад
НОРАК, 10.10.2017 /АМИТ «Ховар»/. Дар Неругоҳи барқи обии «Норак» дар асоси Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2017-2018» ва барои дар фасли зимистон таъмин намудани хоҷагии халқи мамлакат бо барқи хушсифат корҳои омодагӣ ҷараён доранд. Дар ин бора ба хабарнигори АМИТ «Ховар» сармуҳандиси НБО-и Норак Рустам Фозилов хабар дод.
Тибқи иттилоъ, то имрӯз мутахассисон ин корхонаи бузург аз рӯи нақшаи корҳо ҷиҳати омода намудани неругоҳ барои кори муътадил ва устувор дар мавсими тирамоҳу зимистони солҳои 2017-2018 корҳои зерин, аз қабили захира намудани равғанҳои ТП–30 ва Т–1500, гузаронидани таъмири ҷории миёна ва асосии гидроагрегатҳои НБО-и Норак ва таҷҳизоти барқии он, насби трансформатори нави намуди GSU-450000/220/1575,кВ.Т-8, дар ҳолати омодабош нигоҳ доштани дизел-генераторҳо, таъмири кабели алоқаи телефонии ТПП-50х2-0,4, баровардани селовардҳо аз канали обгузари ТКБ-500кВ ва пур намудани ҷойҳои фурӯрафта дар ТКБ-220кВ, тоза намудани деворҳои муҳофизатӣ дар қитъаи назди бинои зилзиласанҷӣ ва гузаронидани корҳои таъмирӣ дар дегхонаи барқии бинои неругоҳро иҷро кардаанд.
Рустам Фозилов зикр намуд, ки «таъмири ҷорӣ, миёна ва асосии гидроагрегатҳо мувофиқи нақша гузаронида шуд ва айни замон дар гидроагрегати №9 таъмири асосии дарбанди куравӣ ва ивазнамоии чархи корӣ бо ҷалби мутахассисон ҷараён дорад. Инчунин бар ивази трансформатори Т-8, ки аз соли 2014 корношоям гашта, дар истифода набуд, трансформатори намуди нави GSU-450000/220/1575,кВ.Т-8 васл карда шуд ва он 30 августи соли . 2017 ба истифода дода шуд».
Ба андешаи мутахассисони НБО-и Норак, оби обанбор дар неругоҳ айни замон дар сатҳи максималӣ қарор дорад.
Дар назар аст, ки Неругоҳи барқи обии «Норак» таҷдид карда шавад.
Ба гуфтаи мутахассисон, моҳҳои наздик пас аз интихоби пудратчӣ корҳои таҷдиди таҷҳизоти асосӣ ва ёрирасони неругоҳ оғоз мегарданд.
Китобҳои «Президент, истиқлол, ваҳдат, маориф» ва «Муаррифгари миллати тоҷик» ба табъ расиданд
Кормандони Мақомоти иҷроияи ҳокимияти давлатии ноҳияи Шоҳмансур суханронии Президенти Тоҷикистонро бахшида ба Рӯзи Дониш дастҷамъона тамошо намуданд
«БО АТЛАСУ АДРАСУ ЧАКАН ЯКТОӢ». Либоси миллӣ байни тӯфонҳои шадиди ҳазорсолаҳо ба ин покӣ ҳифз гардид
Бахшида ба Рӯзи дониш дар Донишгоҳи давлатии Бохтар ҷамъомади тантанавӣ доир шуд
Дар роҳи Душанбе-Кӯлоб-Хоруғ-Кулма сохтмони долони зиддитармавӣ ва пули мошингузар босуръат идома дорад
Имрӯз дар шаҳри Душанбе ҳаво то 35 дараҷа гарм мешавад
Ба 80 хонандаи ниёзманди ноҳияи Айнӣ либоси мактабӣ тақдим гардид
«БЕҲТАРИН ШАХСИ ҲУҚУҚДОН». Таҳти чунин унвон дар ноҳияи Фирдавсии пойтахт озмун доир мегардад
Дар Душанбе ҷаласаи IX Шурои байнидавлатии муқовимат ба коррупсия доир мегардад
Дар Маркази мероси хаттӣ бахшида ба Истиқлоли давлатӣ ҳамоиши илмӣ баргузор шуд
Имрӯз дар ноҳияҳои кӯҳии Тоҷикистон ҳаво то 32 дараҷа гарм мешавад
СОЛИ МАЪРИФАТИ ҲУҚУҚӢ. Барои расидан ба саодати миллӣ бояд меъёрҳои қонунҳо риоя гардад
