Ҳамкории Тоҷикистон ва Россия дар соҳаи маориф боз ҳам мустаҳкам мегардад
ДУШАНБЕ, 02.11.2017 /АМИТ «Ховар»/. 1 ноябри соли равон мулоқоти Вазири маориф ва илми Ҷумҳурии Тоҷикистон Нуриддин Саид бо иҷрокунандаи вазифаи роҳбари «Россотрудничество» Фролов Алексей Владимирович ва намояндаи Шӯрои Федератсия Кондратев Алексей Владимирович баргузор гардид. Дар ин бора ба АМИТ «Ховар» аз маркази матбуоти Вазорати маориф ва илми Ҷумҳурии Тоҷикистон хабар доданд.
Ба иттилои манбаъ, зимни мулоқот ҷонибҳо вобаста ба рушди ҳамкории мавҷуда дар соҳаи маориф ва илм, ҷараёни татбиқи созишнома оид ба сохтмони муассисаҳои таҳсилоти умумӣ дар шаҳрҳои Душанбе, Хуҷанд, Кӯлоб, Қӯрғонтеппа, Турсунзода ва ҳамзамон дастрас намудани нусхаҳои электронии китобҳои дарсӣ аз фанҳои физика, химия, биология, математика, алгебра, геометрия, технологияи иттилоотӣ, забони русӣ ва забони хориҷӣ аз Федератсияи Россия ибрози андеша намуданд.
Вазири маориф ва илми Ҷумҳурии Тоҷикистон Нуриддин Саид аз сатҳи ҳамкории Ҷумҳурии Тоҷикистон бо Федератсияи Россия дар самти маориф ва илм изҳори қаноатмандӣ намуда, ба роҳбарияти «Россотрудничество» барои ҳамкорӣ дар таъмини муассисаҳои таълимӣ бо китобҳои дарсӣ ва фиристодани омӯзгорон аз Федератсияи Россия ба Ҷумҳурии Тоҷикистон изҳори миннатдорӣ намуд.
Ҳамчунин дар идома ҷонибҳо вобаста ба таҳсили донишҷўёни тоҷик дар муассисаҳои таҳсилоти олии касбии Федератсияи Россия, нақшаҳои қабули донишҷўён дар филиалҳои донишгоҳҳои Федератсияи Россия дар Ҷумҳурии Тоҷикистон, ҷудо намудани бурсияҳои таҳсил барои донишҷўёну аспирантон ва магистрҳо, омодагии ҳамаҷониба ба намоишгоҳ-ярмаркаи таҳсилотӣ, ки ҳамасола баргузор мегардад, ибрози андеша намуданд.
НИШОНИ ҶАВОНМАРДӢ. Дар ҳошияи асари сиёсатшинос, сиёсатмадор, олим ва адиби нуктасанҷ Саймумин Ятимов
Дар Донишгоҳи давлатии молия ва иқтисоди Тоҷикистон оид ба татбиқи технологияҳои рақамӣ дар низоми логистикӣ машварат доир гардид
Имрӯз дар Тоҷикистон борони кӯтоҳмуддат меборад
Дар Данғара даври ноҳиявии Озмуни ҷумҳуриявии ҳарбӣ- варзишии «Ватанпарвар» доир гардид
«Одамон. Идеяҳо. Ҳаракат». Дар Душанбе нахустин форуми таҷрибаҳои идоракунӣ баргузор шуд
Имрӯз дар Тоҷикистон ҳавои тағйирёбандаи бебориш дар назар аст
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
