Дар Боку ҷаласаи ҷамъбастии амалиёти минтақавии назорати моддаҳои кимиёвӣ доир гардид
ДУШАНБЕ, 30.11.2017. /АМИТ «Ховар»/. Чанде қабл дар Маркази минтақавии рушди институтсионалии Созмони Умумиҷаҳонии Гумрук, воқеъ дар шаҳри Бокуи Ҷумҳурии Озарбойҷон, ҷаласаи ҷамъбастии амалиёти минтақавии назорати моддаҳои кимиёвӣ баргузор гардид.
Дар он аз намояндагони минтақавии Раёсати Созмони Милали Муттаҳид оид ба маводи нашъаовар ва ҷинояткорӣ дар Осиёи марказӣ ва Созмони Умумиҷаҳонии Гумрук оид ба ҳамлу нақли контейнерҳо Ашита Миттал ва Батир Гелдиев, намояндагони давлатҳои аъзо, раиси Кумитаи давлатии гумруки Ҷумҳурии Озарбойҷон Айдин Алиев, инчунин намояндагони ҷумҳуриҳои Тоҷикистон, Ӯзбекистон, Қирғизистон, Қазоқистон, Озарбойҷон, Ҷумҳурии Гурҷистон, Афғонистон ва Покистон ширкат варзиданд.
Сарнозири Раёсати ташкили назорати гумрукии Хадамоти гумруки назди Ҳукумати Ҷумҳурии Тоҷикистон Замира Маҳкамова оид ба ҷараёни амалиёт дар Ҷумҳурии Тоҷикистон ва натиҷаҳои бадастомада бо муаррифӣ дар мавзӯи «Амалиёти минтақавӣ оид ба назорати моддаҳои кимиёвӣ-1» дар доираи Раёсати Созмони Милали Муттаҳид оид ба маводи нашъаовар ва ҷинояткорӣ дар Осиёи марказӣ, Барномаи ҷаҳонии UNODC ва Созмони Умумиҷаҳонии Гумрук (WCO)» маърӯза кард.
Дар ҷаласа як қатор масъалаҳо, аз ҷумла, «Таҷриба ва дарсҳои аз амалиёти минтақавӣ бадастомада», «Мисолҳои амалии амалиёти минтақавии барномаи ҳамлу нақли контейнерҳо ва «Бағоҷи варзишӣ» мавриди баррасӣ қарор дода шуда, аз ҷониби намояндагони кишварҳои аъзои Барномаи Созмони Умумиҷаҳонии Гумрук оид ба ҳамлу нақли контейнерҳо барои амалиёти минбаъда тавсияҳо пешниҳод гардиданд.
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
Вобаста ба Лоиҳаи USAID оид ба рушди соҳибкорӣ ва таъсиси ҷойи кор дар Тоҷикистон машварати иттилоотӣ доир шуд
Имрӯз дар баъзе ноҳияҳои Тоҷикистон туман мефарояд
Имрӯз дар Агентии хизмати давлатӣ, Академияи идоракунии давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ ва Саридораи геология нишасти матбуотӣ доир мегардад
Ҷашни пуршукуҳи ниёгон-Сада дар вилояти Хатлон бо шаҳомати хосса таҷлил гардид
Дар шаҳри Турсунзода иди Сада бо риояи суннатҳои аҷдодӣ таҷлил гардид
«Сомон Эйр» мутахассисони баландихтисосро ба кор даъват мекунад
Имрӯз дар Тоҷикистон ҳавои тағйирёбандаи бебориш пешгӯӣ мешавад
