Дилшод Назаров дар рейтинги ҷаҳонии варзиши сабук зинаи 5-умро соҳиб шуд!
ДУШАНБЕ, 23.11.2017 /АМИТ «Ховар»/. Чанде пеш сомонаи all-athletics.com рейтинги беҳтарин намояндагони варзиши сабуки ҷаҳонро ба нашр расонид. Мувофиқи он варзишгари маъруфи тоҷик, чемпиони бозиҳои олимпӣ Дилшод Назаров дар рейтинги ҷаҳонии варзиши сабуки ИААФ миёни гурзандозон мақоми 5-умро ишғол намудааст.
Дар зинаи аввали рейтинг Павел Файдек бо 1362 имтиёз, зинаи дуюм- Войсех Новитский бо 1288 имтиёз (ҳарду аз Полша), ҷойи сеюм- Квентин Бигот бо 1256 имтиёз (Франсия) ва дар мақоми чорум Валерий Пронкин бо 1249 имтиёз (Россия) қарор гирифтаанд.
Аз дастовардҳои Дилшод Назаров, ки дар ин раддабандӣ ба назар гирифта мешаванд, медали тиллои Бозиҳои олимпӣ, медали нуқраи Чемпионати ҷаҳон, медали тиллои Бозиҳои Осиё ва чемпионатҳои Осиё, медали нуқраи Чемпионати Осиё ва медали нуқраи Ҷоми Осиё ба ҳисоб гирифта шудаанд.
Ёдовар мешавем, ки рекорди шахсии Дилшод Назаров — 80.71 метр мебошад, ки ба ин нишондиҳанда дар шаҳри Халли Германия моҳи майи соли 2013 ноил гардида буд.
Дар мавсими имсола натиҷаи беҳтарини ӯ — 77.81 метр мебошад, ки ба он моҳи июн дар мусобиқаи Острава (Чехия) мушарраф гардид.
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
