ФУТБОЛ: дастаи «Панҷшер» дар лигаи олӣ боқӣ мемонад
ДУШАНБЕ, 29.11.2017 /АМИТ «Ховар»/. Дастаи футболи «Панҷшер»-и ноҳияи Ҷалолиддини Балхӣ, ки дар бозии ҷавобии гузариш дастаи футболи «Эсхата»-и шаҳри Хуҷандро дар майдони худ бо ҳисоби 3:2 шикаст дод, мавқеашро дар лигаи олии футболи Тоҷикистон дар соли оянда нигаҳ дошт.
Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, бозии ҷавобӣ барои ҳаққи ширкат ба Чемпионати Тоҷикистон миёни дастаҳои лигаи олӣ дар мавсими соли 2018 дар варзишгоҳи ба номи Уктам Маматови ноҳияи Ҷалолиддини Балхӣ баргузор шуд. Дастаи футболи «Панҷшер», ки дар мусобиқоти имсолаи Чемпионати Тоҷикистон миёни дастаҳои лигаи олӣ мақоми ҳафтумро касб намуд, бо барандаи медалҳои нуқраи лигаи аввал- дастаи футболи «Эсхата»-и Хуҷанд рақобат кард. Мизбонон бо ҳисоби 3:2 пирӯз шуданд. Голҳои Ҳасан Холов, Алишер Салимов ва Фаррух Фузайлов дар ин бозии муҳим ба дастаи «Панҷшер» пирӯзӣ оварданд. Бозии аввал миёни ин дастаҳо, ки 22 ноябр дар шаҳри Хуҷанд доир шуда буд, бо ҳисоби мусовии 1:1 ба анҷом расидааст.
Дастаи «Панҷшер», ки аз рӯи натиҷаҳои ду бозӣ бар дастаи «Эсхата» ғолиб омад, мавқеашро дар лигаи олӣ нигаҳ дошт. Дастаи футболи «Ҳосилот»-и ноҳияи Фархор, ки дар мусобиқоти имсолаи лигаи олӣ дар мақоми охирин қарор гирифт, лигаи олиро тарк карда, соли оянда дар лигаи аввал ширкат меварзад.
Дастаи ғолиби мусобиқоти лигаи аввали Тоҷикистон дар соли 2017 дастаи «Кӯктош»-и ноҳияи Рӯдакӣ ба ҳаққи ширкат дар мусобиқоти лигаи олӣ дар мавсими нав мушарраф шуд.
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
