ФУТБОЛ: «Истиқлол» ба финали Ҷоми Тоҷикистон роҳ ёфт
ДУШАНБЕ, 22.11.2017 /АМИТ «Ховар»/. Шоми дирӯз дастаи футболи «Истиқлол»-и Душанбе, ки аз рӯи натиҷаи ду бозии даври нимфиналии Ҷоми Тоҷикистон-2017 бар дастаи КМВА «Помир»-и Душанбе пирӯз шуд, ба финал баромад.
Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, бозии ҷавобии ин ду даста дар Варзишгоҳи марказии шаҳри Душанбе барпо гардида, бо пирӯзии дастаи мизбон — КМВА «Помир» бо ҳисоби 3:2 ба поён расид.
Ёдовар мешавем, ки дастаи «Истиқлол» дар бозии аввали даври нимфиналӣ, ки 17 ноябр дар ҳамин варзишгоҳ барпо гардид, бар дастаи меҳмон КМВА «Помир» — бо ҳисоби 1:0 пирӯз шуда буд. Ҳамин тариқ, аз рӯи натиҷаҳои ду бозӣ ҳисоб баробар – 3:3 шуд ва бар асоси дастури мусобиқот ду голи дар майдони рақиб задаи «Истиқлол» ба даста пирӯзӣ овард.
Зимнан, ҳарсе голи «Истиқлол» дар ду бозӣ ба ҳамлагар Дилшод Восиев мансуб аст. Ӯ дар бозии аввал голи ягонаро аз ҷаримаи 11-метра дар нимаи аввали дидор, дар дақиқаи 16-ум ба ҳадаф расонд. Дар бозии ҷавобӣ ду голи Дилшод Восиев дастаи «Истиқлол»-ро ба финал баровард.
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
