Иҷлосияи тақдирсози ХVI Шӯрои Олии Ҷумҳурии Тоҷикистон-саҳифаи заррини таърихи тоҷикон

Ноябрь 1, 2017 12:13

ДУШАНБЕ, 01.11.2017 /АМИТ «Ховар»/. Иҷлосияи  тақдирсози ХVI Шӯрои Олии Ҷумҳурии Тоҷикистон- саҳифаи заррини таърихи тоҷикон»- таҳти чунин унвон  ба ифтихори 25-умин солгарди Иҷлосияи 16-уми Шӯрои Олии Ҷумҳурии Тоҷикистон дар Донишкадаи политехникии Донишгоҳи техникии Тоҷикистон дар шаҳри Хуҷанд конференсияи  илмӣ-назариявӣ баргузор шуд.

Тавре аз Хадамоти матбуоти раиси вилояти Суғд хабар доданд, конференсия бо ташаббуси мақомоти иҷроияи ҳокимияти давлатии шаҳри Хуҷанд доир шуда, дар он раиси шаҳри Хуҷанд Маъруф Муҳаммадзода, вакилони иҷлосия, шаҳрвандони фахрии шаҳри Хуҷанд, собиқадорони меҳнат, фаъолон, устодони донишгоҳҳои олӣ ва намояндагони воситаҳои ахбори омма ширкат варзиданд.

Раиси шаҳри Хуҷанд Маъруф Муҳаммадзода зикр дошт, ки маҳз бо кӯшишҳои пайгиронаи Президенти Ҷумҳурии Тоҷикистон муҳтарам Эмомалӣ Раҳмон дар тамоми соҳаҳои ҳаёти ҷомеа дигаргуниҳои назаррас ба вуҷуд омаданд.  Ӯ афзуд, ки  барои  таъмини  сулҳ  ва   барқарор  намудани  инфрасохтори давлат  дар  ин иҷлосияи тақдирсоз   дар  маҷмўъ 15 қонун, 52 қарор, 6 фармон ва як изҳорот қабул гардид,  ки  дар  ҳаёти  сиёсӣ, иҷтимоӣ  ва иқтисодии ҷумҳурӣ  нақши  калидӣ   бозиданд.

Иштирокчиёни фаъоли Иҷлосияи 16-уми Шӯрои Олӣ Ғаффорхон Муҳиддинов ва Бойпоччо Фатҳиддинов аз зарурати баргузории Иҷлосия дар шаҳри Хуҷанд ёдовар шуда, гуфтанд, ки “дар кори Иҷлосия яке аз фаъолтарин вакилон Пешвои миллат Эмомалӣ Раҳмон буданд. Он кас дар такя бо далелу арқоми ҷолиб пешниҳодҳои хуб мекарданд, суханҳои боҳарорат мегуфтанд, масъулиятнокиашон куллан аз дигарон фарқ мекард. Аз ҳамон вақт эҳсос мешуд, ки дилашон барои ин миллату халқ сахт месӯзад”.

Дар конференсия инчунин Нависандаи халқии Тоҷикистон Муҳиддин Хоҷазод ва раиси созмони ҷавонони Донишкадаи политехникии Донишгоҳи техникии Тоҷикистон Ҷамшед Масаидов сухан намуданд. Аз ҷумла, Ҷамшед Масаидов зикр кард, ки таҷлили 25- солагии Иҷлосия ба соле рост омадааст, ки бо ташаббуси Пешвои миллат Соли ҷавонон эълон гардидааст. “Иқдоми Сарвари давлат мо, ҷавононро ҳушдор медиҳад, ки аз нақши таърихии ин Иҷлосия бештар огоҳ бошем ва қадру  арзишҳои онро хубтар дарк намоем”,- гуфт Ҷ. Масаидов.

 

Ноябрь 1, 2017 12:13

Хабарҳои дигари ин бахш

Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст
Имрӯз дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
Имрӯз дар Тоҷикистон ҳарорати ҳаво ба 39 дараҷа мерасад
Волейбол дар Вилояти Мухтори Кӯҳистони Бадахшон аз ҷиҳати тиҷоратӣ дастгирӣ ёфт
4 август дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Имрӯз дар Тоҷикистон ҳавои тағйирёбанда дар назар аст