Ивета Григуле: «Иттиҳоди Аврупо Тоҷикистонро шарики боэътимоди худ дониста, омода аст аз мавқеи он ҳимоят намояд»
ДУШАНБЕ, 02.11.2017/АМИТ «Ховар»/. Шариф Раҳимзода, раиси Кумитаи Маҷлиси намояндагон дар ҷаласаи шашуми Шӯрои ҳамкории парлумони Тоҷикистону Иттиҳоду Аврупо, ки имрӯз дар Душанбе доир гардид, Иттиҳоди Аврупоро муҳимтарин шарики байналмилалӣ барои Тоҷикистон арзёбӣ намуд. Мавсуф зикр кард, ки нақши Иттиҳоди Аврупо дар имзои истиқрори сулҳ ва ризоияти миллӣ, таҳкими раванди демократикунонии ҷомеа, ҷалби сармояи хориҷӣ ва рушди бахшҳои иқтисоду иҷтимоӣ, ҳифзи муҳити зисти кишварамон калон аст.
Ивета Григуле, раиси ҳайати парлумони Иттиҳоди Аврупо дар Душанбе доир гардидани ҷаласаи шашуми Шӯрои ҳамкории парлумони Тоҷикистону Итиҳоди Аврупоро қадами муассир дар таҳкими ҳамкории минбаъдаи Тоҷикистон бо Иттиҳоди Аврупо маънидод кард. Вакили парлумони Аврупо аз сатҳи пешрафт ва дастовардҳои Ҷумҳурии Тоҷикистон дар арсаҳои гуногун ибрози назар карда, гуфт: «Мо шоҳиди пешрафтҳои иқтисодӣ ва иҷтимоии Тоҷикистон дар солҳои охир гардидаем ва умедворем, ки ин раванд дар оянда ҳам тақвият хоҳад ёфт». Вакили парлумони Аврупо таъкид кард, ки Иттиҳоди Аврупо Ҷумҳурии Тоҷикистонро дар минтақаи Осиёи Марказӣ аз шарикони муҳим ва боэътимоди худ медонад ва омода аст дар тамоми заминаҳо аз мавқеи он ҳимоят намояд.
Дар ҷаласаи шашуми Шӯрои ҳамкории Парлумони Тоҷикистону Иттиҳоди Аврупо тавсеаи ҳамкории Ҷумҳурии Тоҷикистон бо Иттиҳоди Аврупо ва Парлумони он, вазъи сиёсию иқтисодӣ, иҷтимоӣ, экологӣ, фазои сармоягузорӣ дар Тоҷикистон ва ҷалби сармояи кишварҳои аврупоӣ ба Тоҷикистон матраҳ гардиданд. Иштирокдорони ҷаласа ҳамзамон масъалаҳои мубориза бо хатару чолишҳои замони муосир, аз қабили терроризм, экстремизм, қочоқи маводи мухадир, авзои сиёсии ҷаҳон ва минтақа, хусусан ваъи сиёсии Афғонистон, инчунин масъалаҳои марбут ба тақвияти ҳамкорӣ дар бахшҳои аграрӣ, энергетика, фарҳанг, туризм, илму маориф, рушди демократия, озодии сухан ва дигар масъалаҳои мавриди таваҷҷуҳи тарафайнро баррасӣ намуданд.
Дар анҷоми ҷаласаи шашуми Шӯрои ҳамкории парлумонии Тоҷикистону Иттиҳоди Аврупо эъломияи муштарак қабул гарид.
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
6 август дар вазоратҳои рушди иқтисод ва савдо, саноат ва технологияҳои нав, Кумитаи давлатии сармоягузорӣ ва идораи амволи давлатӣ ва Агентии омор нишасти матбуотӣ баргузор мегардад
Имрӯз дар Тоҷикистон гармии ҳаво ба 37 дараҷа мерасад
ТАҚВИМИ АМИТ «ХОВАР»: имрӯз 5 август, сешанбе, 217-умин рӯзи соли 2025 аст
Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
