Конфронси илмӣ-назариявӣ бахшида ба 25-солагии Иҷлосияи Шӯрои Олӣ дар Раёсати Вазорати корҳои дохилии Бадахшон

Ноябрь 18, 2017 11:20

ХОРУҒ, 18.11.2017 /АМИТ «Ховар»/. Дар Раёсати Вазорати корҳои дохилӣ дар Вилояти Мухтори Кӯҳистони Бадахшон бахшида ба 25-солагии Иҷлосияи Шӯрои Олии Тоҷикистон бо иштироки сардори Раёсат генерал-майори милитсия Абдулваҳоб Искандарзода, муовинони сардори Раёсат, устоди Донишгоҳи давлатии шаҳри Хоруғ  Лаълҷуба Мирзоҳасан,  инчунин толибилмони Мактаби президентии шаҳри Хоруғ конфронси илмӣ-назариявӣ баргузор шуд.
Дар саҳни Раёсати мазкур асарҳои Президенти Ҷумҳурии Тоҷикистон  Эмомалӣ Раҳмон ба намоиш гузошта шуданд.  Иштирокдорони конфронс  аз  намоишгоҳ дидан намуданд ва пас аз он филми ҳуҷҷатӣ оид ба дастовардҳои Истиқлолияти кишвар намоиш дода шуд.

Сардори РВКД дар ВМКБ Абдулваҳҳоб Искандарзода баён дошт, ки “Иҷлосияи тақдирсози 16-уми Шӯрои Олии Ҷумҳурии Тоҷикистон дар қалби ҳар як тоҷику тоҷикистонӣ шӯълаи умед ба сўйи фардои неки давлатдории миллӣ, таъмини рўзгори босаодату пурнишоти мардуми кишварро фурӯзон намуд ва моро баистиқлолияти воқеӣ расонид. Истиқлолият ба ҳар ҳар давлат ба осонӣ муяссар намегардад. Ватани азизи мо- Ҷумҳурии Тоҷикистон низ то расидан ба соҳибдавлативу соҳибихтиёрӣ монеаю мушкилиҳои зиёдеро паси сар кард, вале хиради азалии тоҷикона ва ақлу иродаи созандаи фарзанди бонангу номуси миллат, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сабаб шуд, ки дар Тоҷикистон ваҳдату ягонагӣ, тинҷиву оромӣ ва ҳамдиливу хушбахтӣ оқибат тантана кунанд. Таваҷҷуҳи хоса ва баҳои мусбати Президенти кишварамон нисбат ба фаъолияти мақомоти корҳои дохилӣ ҳамчун қувваи нерудиҳанда масъулияти кормандони милитсияро даҳчанд баланд мебардорад.
Кормандони милитсия ҷавобан ба чунин эътимод ба Савганди худ содиқ монда, дар муқобили ҳама гуна зуҳуроти номатлуби ҷиноятӣ дар сафи пеши мубориза меистанд, то  ба боварии мардум сазовор бошанд”.

Дар конфронси илмӣ-назариявӣ устоди Донишгоҳи давлатии шаҳри Хоруғ, мудири кафедраи забон ва адабиёти тоҷик профессор Лаълҷуба Мирзоҳасан дар бораи Иҷлосияи таърихии XVI- иҷлосияи воқеан сарнавиштсоз сухан ронда, гуфт, ки воқеан ин падида дар таърихи тамаддун ва давлатдории тоҷикон ва тақдири миллати куҳанбунёди мо нақши тақдирсоз гузоштааст ва он дар қатори барҷастатарин санадҳои таърихии миллатамон то абад боқӣ хоҳад монд. Ҳамзамон устоди Донишгоҳи шаҳри Хоруғ зикр намуд, ки таи чанд соли охир аз баракати Истиқлолият ва сиёсати бунёдкоронаи Сарвари давлат тамоми сарзамини мо аз дурдастарин музофотҳо то шаҳру шаҳракҳо ободу зебо гардида истодаанд. Аз чунин созандагию бунёдкориҳои азими иқтисодиву иҷтимоӣ, ки дар таърих собиқа надоранд, ВМКБ низ бархӯрдор аст. Дар асоси ҳидоятҳои наҷибу хирадмандонаи Президенти кишвар дар вилоятҳои Суғду Хатлон ва ВМКБ бинову иншооти замонавӣ мавриди истифода қарор гирифтанд ва сулҳу суботи ҳамешагии кишвар ҳукмфармо мебошад.

Сардори Хадамоти шиносномавию бақайдгирии РВКД дар ВМКБ подполковники милитсия Нигина Боронзода иброз дошт, ки маҳз бо шарофат ва сиёсати хирадмандонаи Сарвари давлат, Пешвои тоҷикон муҳтарам Эмомалӣ Раҳмон дар Ватани азизи мо сулҳу ваҳдат, тинҷиву оромӣ ва амнияту субот ҳукмфармо мебошанд, ки инҳо неъматҳои бебаҳо буда, ғамхориҳои Президенти кишварамон ба мардуми ВМКБ дар рӯзҳои душвори ҳодисаҳои табиии дар деҳаи Барсеми ноҳияи Шуғнон, ноҳияи Рӯшон ва ноҳияҳои Ванҷу Дарвоз рухдода беандоза  арзёбӣ карда мешаванд.

Дар ҷамъомад инчунин муовини командири ДТММ РВКД дар ВМКБ лейтенанти калони милитсия Мухтор Мирзоқандов ва афсари дастурдиҳандаи ротаи сеюми алоҳидаи фаврии таъйиноти махсуси қисми ҳарбии 3503-и қӯшунҳои дохилии Вазорати корҳои дохилӣ дар ВМКБ лейтенанти калон Синдбод Суфиев баёни андеша карданд.

Дар фарҷоми конфронси илмӣ-назариявӣ толибилмони мактаби Президентии шаҳри Хоруғ дар васфи Пешвои миллат муҳтарам Эмомалӣ Раҳмон шеърҳо қироат карданд.

 

 

Ноябрь 18, 2017 11:20

Хабарҳои дигари ин бахш

ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
6 август дар вазоратҳои рушди иқтисод ва савдо, саноат ва технологияҳои нав, Кумитаи давлатии сармоягузорӣ ва идораи амволи давлатӣ ва Агентии омор нишасти матбуотӣ баргузор мегардад
Имрӯз дар Тоҷикистон гармии ҳаво ба 37 дараҷа мерасад
ТАҚВИМИ АМИТ «ХОВАР»: имрӯз 5 август, сешанбе, 217-умин рӯзи соли 2025 аст
Имрӯз дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад